اتىراۋدا حالىق ەمشىسىنە قارالعان مۇگەدەك ايەل ءتىل تارتپاي كەتتى
سوت ايىپتالۋشى ن. و-عا قاتىستى «ابايسىزدىقتان ولىمگە دۋشار ەتۋ» بابى بويىنشا قىلمىستىق ءىس قوزعادى.
سوتتا زارداپ شەككەن س. ۆ- نىڭ ۇلى ەمشى ن. و- مەن تەلەفون ارقىلى پوليارتريت دەرتىنە شالدىعىپ، 13 جىل بويى توسەككە تاڭىلعان ەكىنشى توپتاعى مۇگەدەك اناسىن اپاراتىنىن ايتادى.
ەمدەۋ بارىسى كەزىندە ەمشى جابىرلەنۋشىنىڭ اۋرۋ اياقتارىن شىعارىپ، تىزەلەرىنەن قولىمەن باسقان دەپ ءتۇسىندىردى سوتتا.
ەم كەزىندە مۇگەدەك جان قاتتى ايقايلاپ، اۋرۋدان تالىپ، كەيىننەن جەدەل جاردەم شاقىرعان. سالدارىنان ەمدەلۋشى وبلىستىق ەمحانادا تراۆماتيكالىق شوكتان كوز جۇمدى.
سوتقا دەيىنگى تەرگەۋ بارىسىندا سوتتالۋشى و. ن، ونىڭ قورعاۋشىسى جانە اۋداندىق پروكۋرور اراسىندا كىناسىن مويىنداعانى تۋرالى پروتسەسسۋالدى كەلىسىم جاسالدى.
سوت ۇكىمى بويىنشا و. ن كىنالى دەپ تانىپ، قىلمىستىق كودەكستىڭ 104- بابى بويىنشا 1 جىلعا باس بوستاندىعىنان شەكتەدى جانە ساراپتاماعا شىققان شىعىندى تولەتتى.
