استانانىڭ پاك جىگىتتەرى شاۋەتىن شەتەلگە ساتىپ، بايىپ جاتىر

استانا. قازاقپارات - پاكتىگىن ءالى كۇنگە دەيىن ساقتاپ جۇرگەن استانا تۇرعىندارىنىڭ ءبىرى شۆەيتساريالىق كومپانياعا شاۋەتىن ساتۋ ارقىلى جاقسى تابىس تاۋىپ جاتقانىن ايتىپ ماقتاندى.

بۇل تۋرالى NUR. KZ پورتالى «ەكسپرەسس ك» باسىلىمىنا سىلتەمە جاساپ حابارلايدى.

جاسارتاتىن كوسمەتيكا ۇسىناتىن ەۋروپالىق وندىرۋشىلەر شاۋەت جيناۋ ءۇشىن ەلىمىزدىڭ جىگىتتەرىنە جۇگىنگەن ەكەن. ەربول ەسىمدى ازامات بۇل بيزنەسكە شۆەيتساريالىق بويجەتكەنمەن اڭگىمەلەسكەننەن كەيىن بەت بۇرعانىن ايتۋدا.

بەلگىلى بولعانداي، شەتەلدىك بويجەتكەن ەلىمىزدە شاۋەت دونورى بولاتىن پاك ازاماتتاردى ىزدەستىرىپ ءجۇرىپتى.

«شۆەيتسارياداعى كريستينانىڭ فيرماسى جاسارتاتىن كوسمەتيكا وندىرۋمەن اينالىسادى. ونىڭ قۇرامىندا سەپرمينا بار. بويجەتكەنگە شاۋەت كوپ مولشەردە قاجەت بولدى. ونىڭ وزىندە تەك قانا پاك جىگىتتەردىڭ شاۋەتى. ونىڭ ساپاسى جوعارىراق-مىس. مەن ءبىرىنشى كۋرستاعى دوستارىممەن جاتاقحانادا سويلەسىپ كوردىم. سودان كەيىن ءبارى باستالدى»، - دەپ اعىنان جارىلدى ەربول.

ستۋدەنت كۇن سايىن دەرلىك ەۋرووداققا قىمبات جۇكتى جىبەرىپ وتىرادى: 300 ميللي ليتر شاۋەت. قۇرعاپ قالماس ءۇشىن شاۋەتتى بالمەن ارالاستىرىپ، وعان مۇز قوسادى. كىشىگىرىم تەرموس قولىنا تۇسە سالىسىمەن، بويجەتكەن ەربولعا ءۇش مىڭ ەۋرو لاقتىرادى. اقشانىڭ دەنىن ازامات ءوز قالتاسىنا باسادى ەكەن.

«جۇمىس اۋىر ەمەس. تەك پاك جىگىتتەردى تابۋ قيىنعا سوعادى. تاپقان جىگىتتەردى پاكتىگىنەن ايىرىلىپ قالماۋى ءۇشىن اڭدۋىما دا تۋرا كەلەدى. ولاردىڭ پاك ەكەنىنە كوزىمدى جەتكىزۋ ءۇشىن اناسىمەن انت بەرۋىن سۇرايمىن. ءبىر بۇرىشقا تارتىمدى بويجەتكەننىڭ فوتوسى ىلىنگەن وعاش ورىن ءبولىپ قويعانمىن»، - دەپ جالعاستىردى ەربول.

ەربول شاۋەتكە دەگەن سۇرانىستىڭ جوعارى بولعانىنا اڭ-تاڭ. عالىمدار سپەرمينىڭ %20 عا قارتايۋ ءۇردىسىن تەجەيتىنىن انىقتاپتى دەيدى ول.

الان يسايەۆتىڭ ماتەريالىنان اۋدارىلدى.