باقىتتى ۇشتىك: بالا تاربيەسىندە دە، توسەك قاتىناسىندا دا قينالمايمىز - فوتو
بۇل تۋرالى The Daily Mail باسىلىمى حابارلايدى.
لوندون قالاسىنىڭ تۇرعىنى ادام لايونس ءبىر ۇيدە ەكى كەلىنشەگىمەن بىرگە تۇرادى. ولاردىڭ ەسىمى - دجەين جانە برۋك. جۋىردا ول تەحاسقا كوشىپ باردى. ولار ءوزارا تاتۋ ەكەندەرىن ايتىپ جاتىر. 2 جىل بۇرىن برۋك شەدد جانە دجەين شەلەحوۆامەن بىرگە تۇرىپ جاتقان ازامات «ءتىرى جاندار ىشىندەگى ەڭ باقىتتى ادام» اتالىمىن جەڭىپ العان ەكەن. ول ۋاقىتتا ادام مەن برۋكتىڭ ءبىر ۇلدارى بولعان. ەندى دجەين ءسابي كۇتىپ ءجۇر ەكەن.
«ۇشەۋىمىزدىڭ ورتاق بالالارىمىزدىڭ بار ەكەنىنە ەرەكشە قۋانىشتىمىن. بۇل تۋرالى سان رەت اشىق سويلەسكەنبىز. بالالارىمىز ءبىزدى «اكە»، «انا» جانە تاعى دا «انا» دەپ اتايدى. ەكى باسقا قاراعاندا، ءۇش باس الدەقايدا جاقسى ەكەن. ءبىز بولاشاعىمىزدى ءۇش ادام بولىپ قۇراستىرىپ جاتىرمىز. ءبىزدىڭ دوستارىمىز وتباسىلىق مىندەتتەردى بولىسۋدە قاتتى قينالادى. ەڭ باستىسى، ءبىر-بىرىمىزگە دەگەن كورە الماۋشىلىق قاسيەت جوق ءارى ءارقايسىمىز جەكە ومىرىمىزبەن اينالىسا الامىز. توسەك ماسەلەسىندە دە قينالمايمىز. باستاپقىدا جۇرت قارىم- قاتىناسىمىز ۇزاققا بارمايدى دەپ ويلادى. ءبىراق، وسىلاي ءومىر ءسۇرىپ جاتقانىمىزعا 5 جىل بولدى. ۇلىم وليۆەر دە ءوزىنىڭ ەرەكشە وتباسىندا تاربيەلەنىپ جاتقانىن مويىندايدى»، - دەيدى 36 جاستاعى ادام.
27 جاستاعى دجەين وسى كۇنگە دەيىن بالا تۋعىسى كەلمەگەنىن ايتادى. الايدا ونىڭ ويى وسى «ۇشتىككە» تاپ بولعاننان كەيىن وزگەرىپتى. ول دا كۇيەۋىمەن بىرگە بيزنەس- كونسالتينگ كومپانياسىندا جۇمىس ىستەيدى ەكەن. «بالا تۋعان كەزدە ءوزىڭدى ونىڭ ومىرىنە تولىقتاي ارناۋىڭ كەرەك دەپ ويلايتىنمىن. كوپ اتا- انا بالالارىنا دۇرىس تاربيە بەرمەيدى. ءبىراق، ادام مەن برۋكتىڭ ارقاسىندا بالا تاربيەلەۋدىڭ الدەقايدا وڭاي ەكەنىن ءتۇسىنىپ جاتىرمىن. ءبىز بالالارعا عانا ەمەس، ءبىر- بىرىمىزگە ءجيى كوڭىل ءبولىپ وتىرامىز. ونىڭ ۇستىنە بالامدى سەنىمدى ادامداردىڭ قارايتىنىنا قۋانىشتىمىن»، - دەيدى دجەين.
28 جاستاعى بيسەكسۋال برۋكتىڭ وليۆەر ەسىمدى ۇلى بار. ول كۇيەۋىنىڭ توقالىن تۋعانىنداي جاقسى كورەتىنىن ايتىپ جاتىر. «دجەيننىڭ جۇكتىلىگى مەن ءۇشىن دە قۋانىش الىپ كەلدى. ماعان ونىمەن سويلەسكەن ۇنايدى. ۇنەمى ءتورت ۇلىمنىڭ بولعانىن قالايتىن ەدىم. ەندى وسى ارمانىم ورىندالاتىن بولدى. ءبىز تاعى دا بالالارىمىزدىڭ بولعانىن قالايمىز. ادام مەن دجەينگە ارناپ توي جاساپ بەرگىم كەلەدى. وليۆەر دە ءدال وسىلاي ەكى ايەلگە ۇيلەنگىسى كەلەتىنىن ايتادى. ۇشتىكتەن قۇرالعان وتباسى، راسىمەن دە، باقىتتى بولا الادى. ءبىز ادامدارعا جاقسى ۇلگى بولىپ ءجۇرمىز دەگەن ويدامىن»، - دەيدى برۋك.
ادام، دجەين جانە برۋك ءدال قازىر ۇلكەن ۇيدە ءومىر ءسۇرىپ جاتىر. اتالعان ءۇيدىڭ ۇشتەن ءبىر بولىگى - كەڭسە، ەكىنشى بولىگى - مەكتەپ. ول جەردە برۋك بالالارعا ساباق بەرەدى. «جۇمىسىمىزدىڭ ءۇيىمىزدىڭ قاسىندا بولعانىنا ەرەكشە قۋانامىن. اراسىندا ادام ەكەۋىمىز تۇسكى اسقا كەلىپ كەتەمىز. برۋكپەن، وليۆەرمەن دە كوپ ۋاقىت بىرگە وتكىزەمىز. ۇيگە كەلگەن سوڭ، برۋكتى، دانتە مەن وليۆەردى قۇشاقتاپ سۇيگەن ۇنايدى. مەنىڭ جۇكتىلىگىمدى ءبىز الدىن الا جوسپارلادىق. برۋك بالالاردى قاتتى جاقسى كورەدى. ونىڭ ماعان قاراعاندا، بالا تاربيەسىندە تاجىريبەسى مول»، - دەيدى دجەين.
ادام مەن دجەين جۋىردا دۇنيەگە كەلەتىن سابيلەرىنىڭ قىز بالا بولعانىن قالايدى ەكەن. «ازىرگە توي جاساعان جوقپىز. ءبىراق، بۇل جوسپارىمىزدا بار. دجەين بوسانعانعا دەيىن انگلياعا كوشىپ العىم كەلىپ تۇر. ءۇشىنشىمنىڭ ۇلى بريتانيا جەرىندە دۇنيەگە كەلگەنىن قالايمىن»، - دەيدى ادام. كەيدە ادام، برۋك جانە دجەين توسەك قاتىناسىنا تاعى دا ءبىر ادامدى قوسىپ الادى ەكەن.
