استاناداعى جاڭا تەمىرجول ۆوكزالى الەمنىڭ ۇزدىك نىسانىنا اينالادى

استانا. قازاقپارات - ۇكىمەت ۇيىندە وتكەن باسپا ءسوز ءماسليحاتىندا ق ر ينۆەستيتسيالار جانە دامۋ ۆيتسە- ءمينيسترى رومان سكليار استاناداعى جاڭا تەمىرجول ۆوكزالىن سيپاتتاپ بەردى،

 دەپ حابارلايدى قازاقپارات ءتىلشىسى.

«1- ماۋسىم كۇنى ول جەرگە العاشقى پويىز كەلەدى. جاڭا تەمىرجول ۆوكزالىنىڭ ءبىرقاتار تەحنيكالىق ەرەكشەلىگى دە بار. ماسەلەن، جولاۋشىلار پەررونى استىندا بولادى. بىلايشا ايتقاندا، ۆوكزال سونىڭ ۇستىندە، پەرروندى جاۋىپ تۇرعانداي بولادى. بۇدان بولەك، ەسكالاتور مەن ليفتىلەر از بولمايدى. تىنىعۋ بولمەلەرى، CIP- ايماق (ەكسلكيۋزيۆتى قىزمەت كورسەتۋ - اۆت. ) ، تاماقتانۋ ورىندارى - ءبارى- ءبارى حالىققا ىڭعايلى بولۋ ءۇشىن جاسالادى. اتالعان نىساننىڭ قۇرىلىسى بارىسىندا بارلىق حالىقارالىق تالاپتار ەسكەرىلدى. ءسوز جوق، جاڭا تەمىرجول ۆوكزالى پوستكەڭەستىك اۋماقتا عانا ەمەس، الەم بويىنشا ۇزدىك ۆوكزالداردىڭ ءبىرى بولادى»، - دەيدى سكليار.

 ايتا كەتەيىك، ەكسپو كورمەسى كەزىندە استاناعا 2,5 ميلليون ادام كەلىپ كەتەدى دەگەن بولجام بار. ولاردىڭ باسىم بولىگى تەمىرجولمەن قاتىنايدى. تەمىرجولمەن جۇرەتىن ازاماتتار كورمە بيلەتتەرىن تەگىن الا الادى.

 اۆتور: ارمان اسقاروۆ