12:53, 19 - مامىر 2017 | GMT +5
الجير لاگەرىنىڭ تۇتقىندارىنىڭ ومىرلەرىنە قاتىستى وقيعالار ساحنالاندى - فوتو
استانا. قازاقپارات -«الجير» مەموريالدىق كەشەنىندە «مۋزەي ءتۇنى» شاراسى وتكىزىلدى. ءىس- شارا بارىسىندا مۋزەي قىزمەتكەرلەرى مەن ولاردىڭ وتباسى مۇشەلەرى «الجير» لاگەرىنىڭ تۇتقىندارىنىڭ ومىرلەرىنە قاتىستى وقيعالاردى ساحنالادى.
كەلۋشىلەر كۇيەۋلەرى، اعا- باۋىرلارى مەن اكەلەرىنە ادال بولعان جازىقسىز ايەلدەردىڭ باسىنان كەشكەن ازاپتارىن تولىق كورگەندەي بولدى. سونداي- اق، مەموريالدىق كەشەندە باسقا دا تاريحي وقيعالارعا قاتىستى ستەندتەر كوپشىلىك نازارىنا ۇسىنىلدى.
18 مىڭنان استام ايەلدەر گۋلاگ لاگەرلەرىندە قاماۋدا بولدى، ولاردى ۇدايى ءبىر لاگەردەن ەكىنشىسىنە اۋىستىرىپ وتىردى. 8 مىڭعا جۋىق ايەلدەر «الجير» - دە باسىنان اياعىنان دەيىن جازاسىن وتەدى. بۇلار نەگىزىنەن پوست كەڭەستىك كەڭىستىكتە اتتارى بارشاعا تانىمال بەلگىلى مەملەكەت، ساياسي جانە قوعام قايراتكەرلەرىنىڭ ايەلدەرى بولاتىن.
