قازاقستاندىق ونەرپازدارعا ديماشتىڭ جەتىستىگىن قايتالاۋ مۇمكىندىگى بەرىلەدى
بۇل تۋرالى Facebook-تاعى ءوز پاراقشاسىنا 31 -ارنانىڭ باس ديرەكتورى باعدات قوجاحمەتوۆ جازدى. كاستينگ ماۋسىمدا باستالادى.
«حالىقارالىق كاستينگ ماۋسىمدا وتەدى: 14 ىرىكتەلگەن كانديدات ۇزدىك ءانشى اتاعىنا تالاسادى. كاستينگ قازاقستان وڭىرلەرىندە عانا وتپەيدى: ءبىزدىڭ ەل العاش رەت قىرعىزستان، وزبەكستان، رەسەي، ۋكراينادان قاتىسۋشىلاردى قابىلدايدى. شوۋعا ق ح ر- دان ارتىستەر قاتىسادى»، - دەپ جازدى ول. قوجاحمەتوۆ بايقاۋعا كاسىبي مۋزىكانتتار نەمەسە ۆوكالدىق دارىنى ەرەكشە ادامدار عانا قاتىسا الاتىنىن اتاپ ءوتتى.
«الەمدىك ەسترادانىڭ ءتۇرلى جانرلى سۋپەرحيتتەرى (وركەستر نەمەسە كاسىبي دجاز-بەند سۇيەمەلدەۋىمەن) عانا ورىندالادى. باستىسى - جوبا ىشىندە قاتىسۋشىلار سەلەكسياسىنىڭ تەتىگى مۇلدەم باسقاشا: كورەرمەندەر ستۋديادا داۋىس بەرەدى جانە جەتى مىقتى قاتىسۋشى فينالعا دەيىن بارادى، سوڭىندا ءۇش جەڭىمپاز انىقتالادى. بۇل حالىقتى تەلە كورسەتىلىمگە كەڭىنەن تارتۋدى قامتاماسىز ەتەدى، سەبەبى كورەرمەندەردىڭ شوۋدىڭ فينالدىق تۋرنيرىندە ءوز قالاۋىن ايقىنداۋىنا مۇمكىندىگى مول»، - دەدى 31-ارنا باس ديرەكتورى.
