08:28, 19 - مامىر 2017 | GMT +5
برازيليا پرەزيدەنتى جەمقورلىق ءىسى بويىنشا رەسمي تۇردە كۇدىكتى دەپ تانىلدى
استانا. قازاقپارات - برازيليانىڭ فەدەرالدى جوعارعى سوتىنىڭ سۋدياسى ەدسون فاكين جەمقورلىق فاكتىسى بويىنشا كۇدىككە الىنعان ەل پرەزيدەنتى ميشەل تەمەردىڭ ۇستىنەن قىلمىستىق ءىس قوزعاۋعا رۇقسات بەردى.
بۇل تۋرالى تاسس اگەنتتىگى حابارلاۋدا. ءتيىستى ءوتىنىمدى فەدەرالدى جوعارعى سوتىنا باس پروكۋراتۋرا جولدادى. كەشە برازيليالىق كاسىپكەرلەر، اعايىندى جوەسلي جانە ۋەسلي باتيستالار ەلدىڭ فەدەرالدى جوعارعى سوتىنا بەينەجازبا جولداعان.
حابارلانعانداي، وندا تەمەردىڭ ەلدىڭ ەكس- پرەزيدەنتى ديلما رۋسەفتىڭ يمپيچمەنتىنىڭ باستاماشىسى بولعان پارلامەنتتىڭ تومەنگى پالاتاسىنىڭ بۇرىنعى سپيكەرى ەدۋاردۋ كۋنيانى پاراعا ساتىپ الۋدى سۇراعان ءساتى تۇسىرىلگەن.
Globo تەلەارناسىنىڭ مالىمەتىنشە، اقشالار كۋنيانىڭ «ءتىل قاتپاۋىن ساتىپ الۋعا» ارنالعان. تەمەر ءوز كەزەگىندە كۋنيانى پاراعا ساتىپ الماق بولدى دەگەن وزىنە قاتىستى ايىپتاردى جوققا شىعاردى.
