07:11, 19 - مامىر 2017 | GMT +5
نيۋ-يورك ورتالىعىندا جۇيىتكىگەن كولىك ادامداردى باسىپ ءوتتى - فوتو
استانا. قازاقپارات - 18 -مامىر كۇنى نيۋ-يورك ورتالىعىنداعى تايمس-سكۆەر الاڭىندا جوعارى جىلدامدىقپەن جۇيىتكىگەن كولىك جاياۋ جۇرگىنشىلەردى باسىپ ءوتتى.

بۇل تۋرالى Lenta.ru حابارلاۋدا.
وقيعانىڭ كۋاسى بولعاندار Twitter- دە سۋرەتتەردى ورنالاستىرۋدا. ولاردان ءبىر بۇيىرىنە اۋدارىلعان كولىكتىڭ تۇتىندەپ جاتقانىن، دۇرلىككەن حالىق پەن پوليتسەيلەردى، زارداپ شەككەن ادامداردى كورۋگە بولادى.
Metro-نىڭ حابارلاۋىنشا، بىرنەشە ادام جاراقات العان، مەديتسينا قىزمەتكەرلەرى ولارعا كومەك كورسەتۋدە. ءوز كەزەگىندە Reuters كەم دەگەندە ءبىر ادامنىڭ اجال قۇشقانىن جازۋدا. اگەنتتىكتىڭ زارداپ شەككەندەرگە سىلتەمە جاساپ مالىمدەۋىنشە، كولىك ادامداردى قاساقانا باسقان.