شىعىس قازاقستاندا ازيا چەمپيوناتىنا دايىندىق قىزۋ جۇرگىزىلۋدە

ارنايى ماماندار ءىرى سپورتتىق جارىستى وتكىزىلەتىن سپورت سارايىن ماتەريالدىق-تەحنيكالىق جابدىقتاۋ جۇمىستارىمەن اينالىسىپ جاتىر. ءوڭىر باسشىسى دانيال احمەتوۆ ماماندار مۇزدى ەرىتىپ، ارنايى جابىندىنى توسەپ ۇلگەرگەن تۋرنير وتكىزىلەتىن نەگىزگى سپورت نىسانىنداعى دايىندىق جۇمىستارىمەن تانىستى. سونداي-اق بۇل جەردە جارىق قۇرالدارى اۋىستىرىلىپ، زال سىرلاندى، اۆتوكولىك تۇراعىنا جوندەۋ جۇمىستارى جۇرگىزىلىپ، جاڭا زاماناۋي ەكران ورناتىلدى.
وبلىستىڭ باس سپورت عيماراتىنا ءبىر ساتتە 4 مىڭعا جۋىق كورەرمەن سىيىپ كەتەدى. ۇيىمداستىرۋشىلاردىڭ ايتۋىنشا، جارىسقا كىرۋ تەگىن. ەسكە سالا كەتەيىك، 25-31- مامىر كۇندەرى شىعىس قازاقستان وبلىسى ورتالىعىندا ازيا كونتينەنتىندەگى ۇزدىك سپورتشىلاردىڭ قاتىسۋىمەن ۆولەيبولدان حالىقارالىق ازيا چەمپيوناتى وتكىزىلەدى.
8 كوماندا قاتىساتىن جارىستا 2017-جىلعى رەسپۋبليكالىق تۋرنيردە جەڭىمپاز اتانعان شىعىس قازاقستاندىق «التاي» ۆولەيبول كومانداسى قازاقستاننىڭ نامىسىن قورعاماقشى.