قورعانىس مينيسترلىگى ۇزدىك مەرگەندەردى ىرىكتەۋدە
دەپ حابارلايدى قورعانىس مينيسترلىگىنىڭ باسپا ءسوز قىزمەتى.
جارىسقا قاتىسۋ ءۇشىن «وڭتۇستىك»، «باتىس»، «شىعىس» وڭىرلىك قولباسشىلىقتارىنىڭ سەگىز اسكەري ءبولىمى مەن دەسانتتىق- شابۋىلداۋ اسكەرلەرىنەن 22 مەرگەن كەلدى. بايراقتى دوداعا قاتىسۋعا كەلمەس بۇرىن اسكەري قىزمەتشىلەر وڭىرلىك قولباسشىلىقتاردىڭ اسكەري بولىمدەرىندە قاتاڭ ىرىكتەۋدەن ءوتتى.
سايىس ەكى كەزەڭنەن تۇرادى. 20- مامىردا وتەتىن ءبىرىنشى كەزەڭنىڭ قورىتىندىسى بويىنشا سايىسقا قاتىسۋشىلاردىڭ جالپى سانىنان 14 ۇزدىك مەرگەن تاڭدالادى. ولارعا مامىردىڭ 22- 30-ى ارالىعىندا ەكىنشى كەزەڭنەن وتۋگە تۋرا كەلەدى. ونىڭ ناتيجەلەرى بويىنشا تەك ون مەرگەن ىرىكتەلىنىپ الىنادى.
«بۇگىنگى سايىس بارىسىندا ءبىزدىڭ ماقساتىمىز قازاقستاننىڭ قۇراماسىنا ناتيجەلەردى جاقسارتۋ ءۇشىن جوعارى الەۋەتى بار مىقتى دايىندالعان مەرگەندەردى تاڭداۋ بولىپ تۇر»، - دەيدى سايىستىڭ باس تورەشىسى «وڭتۇستىك» وڭىرلىك قولباسشىلىعى اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى سابىر كايۋموۆ.
الداعى بولاتىن سايىستارعا بارىنشا جاقىنداتىلعان جاعدايلار مەرگەندەرگە العان ماشىقتارىن پىسىقتاۋعا، سەنىمدىلىك پەن تاباندىلىق قاسيەتتەرىن تاربيەلەۋگە سەپتىگىن تيگىزىپ، «مەرگەن شەبى» حالىقارالىق بايقاۋىنا مورالدىق- پسيحولوگيالىق تۇرعىدا دايىندايدى.
ىرىكتەلگەن ون مەرگەن وسى جىلعى تامىزدىڭ 1 - 10-ى ارالىعىندا 40- اسكەري بازادا وتەتىن «ارمي-2017» سايىسى شەڭبەرىندە «مەرگەن شەبى» حالىقارالىق بايقاۋىندا قازاقستان قۇرلىق اسكەرلەرىنىڭ نامىسىن قورعايدى. بايقاۋ ءارقايسىسى بەس جاتتىعۋدى قامتيتىن 3 كەزەڭنەن تۇرادى. ونىڭ بىرەۋى تۇندە وتكىزىلەتىن «جەكە سىناق» پەن «جۇپ سىناق»، سونداي- اق «توپتىق سىناقتان» تۇرادى. وسى كەزەڭدەردىڭ جاتتىعۋلارى قاتارىندا نىساناعا وق اتۋ، قورعانىستاعى مەرگەن، شابىلداۋ مەن تورۋىلدا، مەرگەن بياتلونى، اۋە نىساناسى بويىنشا وق اتۋ، ارنايى وق اتۋ، پاترۋلدەردىڭ جارىسى، سونداي- اق «تاۋىپ الىپ، جويۋ» جاتتىعۋى بار.
