بەيجىڭدە قازاقستان- قىتاي جوبالارىنىڭ قارجىلاندىرىلۋى تالقىلاندى

بەيجىڭ. قازاقپارات - قازاقستاننىڭ قىتايداعى ەلشىسى شاحرات نۇرىشيەۆ جىبەك جولى قورىنىڭ باسقارما ءتوراعاسى جين شيمەن كەزدەستى، دەپ حابارلايدى «قازاقپارات» ح ا ا قىتايداعى ءتىلشىسى.
None
None

تاراپتار وسى ماقساتقا ارنايى قۇرىلعان قازاقستان- قىتاي قورى اياسىندا يندۋستريالاندىرۋ جانە ينۆەستيتسيالاۋ سالاسىنداعى ەكىجاقتى جوبالاردى قارجىلاندىرۋ ماسەلەلەرىن تالقىلادى.

 14-15 - مامىر كۇندەرى بەيجىڭدە وتكەن جوعارى دەڭگەيلى «ءبىر بەلدەۋ، ءبىر جول» حالىقارالىق ىنتىماقتاستىق فورۋمىنىڭ ناتيجەسى جايلى پىكىر الماستى. جين شي ق ح ر ءتوراعاسى شي جينپيڭنىڭ فورۋم بارىسىندا ايتىپ وتكەن قور كاپيتالىن 100 ميلليارد يۋانعا (شامامەن 15 ميلليارد دوللار) ارتتىرۋ جايلى شەشىمى بىرلەسىپ جۇزەگە اسىرىلاتىن ينۆەستيتسيالىق جوبالاردىڭ سانىن ارتتىرۋعا مۇمكىندىك تۋعىزاتىندىعىن اتاپ ءوتتى.

 ءوز كەزەگىندە ش. نۇرىشيەۆ جىبەك جولى قورى ازيا ينفراقۇرىلىمدىق ينۆەستيتسيالار بانكىمەن قاتار «ءبىر بەلدەۋ، ءبىر جول» باستاماسى اياسىنداعى جوبالاردى قارجىلاندىراتىن نەگىزگى مەحانيزمدەردىڭ ءبىرى ەكەندىگىن جانە ونىڭ ەكى ەل اراسىنداعى كەلىسىمدەردى جۇزەگە اسىرۋداعى ماڭىزدىلىعىن ايتىپ ءوتتى. جىبەك جولى قورى دامۋ جانە ينۆەستيتسيانىڭ ورتا جانە ۇزاقمەرزىمدى قورى ەكەندىگىن ەستەرىڭىزگە سالامىز. قوردىڭ ماقساتى - ازيا جانە دۇنيەءجۇزى ينۆەستورلارىن «جىبەك جولىنىڭ ەكونوميكالىق بەلدەۋى» جانە «21 - عاسىردىڭ تەڭىز جىبەك جولى» باعدارلامالارىن قۇرۋعا تارتۋ.

سوڭعى جاڭالىقتار