توقايەۆ دوستىق پەن بەيبىتشىلىككە ۇلەس قوسقان ءدىن وكىلدەرىن ماراپاتتادى - فوتو
سونداي- اق كەيبىر ءدىن وكىلدەرىنە قازاقستان تاۋەلسىزدىگىنىڭ 25 جىلدىعىنا ارنالعان مەرەكەلىك مەدال تابىستالدى، دەپ حابارلايدى قازاقپارات ءتىلشىسى.
اتالعان ماراپاتتار الەمدىك جانە ءداستۇرلى دىندەر كوشباسشىلارى سەزىنىڭ ماقسات- مىندەتتەرىن ىسكە اسىرىپ، حالىقتار اراسىنداعى دوستىق پەن بەيبىتشىلىكتى نىعايتۋعا قوسقان ۇلەسى ءۇشىن بەرىلىپ وتىر.
اتاپ ايتقاندا، «شاپاعات» پەن 25 جىلدىق مەرەيتويلىق مەدالمەن بەدفورد ەپيسكوپى ريچارد اتكينسون مەن «سومايا بحاراتيا سانسكريتي پيتام» ءۇندى مادەنيەتى ورتالىعىنىڭ ديرەكتورى كالاي دحاناندجەي اچاريا ماراپاتتالسا، ءال- ازحار جوعارعى يمامىنىڭ سىرتقى بايلانىستار جونىندەگى كەڭەسشىسى ءابدىلراحمان مۇسا، ساۋد ارابياسى كورولدىگى يسلام، ۆاكۋفتەر جانە ۇندەۋ ىستەرى جونىندەگى ءمينيسترىنىڭ كەڭەسشىسى ابدۋللا يبن فاحد ءال- لحيدان، يران يسلام رەسپۋبليكاسىنىڭ مادەنيەت جانە يسلامدىق بايلانىستار جونىندەگى ۇيىم پرەزيدەنتىنىڭ ورىنباسارى گاحرامان سولەيماني، يسلاماباد حالىقارالىق يسلام ۋنيۆەرسيتەتى يسلامدى زەرتتەۋ ينستيتۋتىنىڭ باس ديرەكتورى مۇحامماد زيا ۋل- حاك، «نۇر- مۇباراك» مىسىر يسلام ۋنيۆەرسيتەتىنىڭ رەكتورى گوۋدا باسيۋني، مەتروپوليت ەممانۋيل اداماكيس، ارميان اپوستول شىركەۋىنىڭ ۋكرايندىق ەپارحياسىنىڭ جەتەكشىسى مارگوس وگانەسيان، قاسيەتتى پرەستولدىڭ ءدىنارالىق ديالوگ جونىندەگى پاپا كەڭەسىنىڭ يسلاممەن بايلانىس ءبولىمىنىڭ مەڭگەرۋشىسى حالەد اكاشە، ر ف ءدىنارالىق كەڭەسىنىڭ اتقارۋشى حاتشىسى دميتريي سافونوۆ، يزرايلدىڭ باكاشكەنازييلىك ءراۆۆينىنىڭ وكىلى ەلياحۋ حاۆلين، قىتاي بۋدديستەرى قاۋىمداستىعى ءتوراعاسىنىڭ ورىنباسارى حۋ سيۋەفەن، دۇنيەجۇزىلىك بۋدديزم ۋنيۆەرسيتەتىنىڭ رەكتورى انيل مان ساكيا، موڭعوليانىڭ بۋدديزم ورتالىعىنىڭ گاندان تەگچەنلين موناستىرىنىڭ دالاي لاماسى حۋنحۋر بيامباجاۆ، ورتالىق ازياداعى «چوگەچون» كارىس بۋدديستىك ۇيىمىنىڭ وكىلى يانگ كي حۋن، «دجيندجيا حونچە» حالىقارالىق بايلانىستار دەرپارتامەنتىنىڭ ديرەكتورى كاتسۋدجي يۆاحاشي، دۇنيەجۇزىلىك بەيبىتشىلىك ەلشىسى كەڭەسىنىڭ باس حاتشىسى پيچاي توۆيۆيچ، ب ۇ ۇ وركەنيەتتەر اليانسىنىڭ ديرەكتورى مەتيۋ حودس پەن ق ر مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان مايامەروۆكە قازاقستان تاۋەلسىزدىگىنىڭ 25 جىلدىعىنا ارنالعان مەرەكەلىك مەدالى تابىستالدى.
ايتا كەتەيىك، استانادا الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ XVI وتىرىسى ءوتىپ جاتىر. وتىرىس بارىسىندا الەمدىك جانە ءداستۇرلى دىندەر كوشباسشىلارىنىڭ كەزەكتى سەزىنە دايىندىق شارالارى پىسىقتاپ، سەزدىڭ ناقتى ۋاقىتىن بەلگىلەۋ كوزدەلىپ وتىر. سونداي- اق، بۇگىنگى وتىرىستا ءدىنارالىق ديالوگقا قوسقان ۇلەسى ءۇشىن «استانا» حالىقارالىق سىيلىعى مەن الەمدىك جانە ءداستۇرلى دىندەر كوشباسشىلارى سەزىنىڭ قۇرمەت مەدالىنە ۇسىنىلعان ۇمىتكەرلەر ماسەلەسى تالقىلاناتىن بولادى.
اۆتور: ارمان اسقاروۆ
