دارىگەرلەر ءىش قۇرىلىسى شالا جەتىلىپ تۋعان نارەستەنىڭ ءومىرىن ساقتاپ قالدى

استانا. قازاقپارات - اقمولا بالالار اۋرۋحاناسىنىڭ دارىگەرلەرى ىشەك- قارىن جولىنداعى كەمىستىگىمەن دۇنيەگە كەلگەن سابيگە وتا جاسادى، بۇگىن نارەستە ۇيىنە شىعارىلادى،
None
None

 دەپ حابارلايدى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

نارەستە 6 -ءساۋىر كۇنى ستەپنوگورسك اۋدانىنداعى ورتالىق اۋرۋحانادا ۋاقىتىنا جەتپەي، ىشەك- قارىن جولدارىنىڭ كەمىستىگىمەن تۋعان.

تەكسەرۋ بارىسىندا ءسابيدىڭ اعزاسىندا جۇقپالى اۋرۋدىڭ تۇتاس جايىلىپ كەتكەندىگى، جاتىر ىشىندەگى ينفەكسيا جانە تىنىس الۋ جولدارىنداعى اۋىتقۋشىلىقتارى انىقتالعان. سول كۇنى- اق ستەپنوگورسكىگە اقمولا بالالار اۋرۋحاناسىنىڭ نەونوتالدىق حيرۋرگى ەرنار قوجابەكوۆ پەن رەانيماتولوگ دارىگەرى ەلەنا يۆانوۆا جەتكىزىلدى. نارەستەنىڭ ءومىرىن ساقتاپ قالۋ ءۇشىن جەدەل وتا جاساۋ كەرەك بولدى. كۇردەلى وتا ءساتتى اياقتالدى، دەپ حابارلايدى اقمولا وبلىستىق دەنساۋلىق ساقتاۋ باسقارماسى.

«جاس نارەستە 11- ءساۋىر كۇنى اقمولا بالالار اۋرۋحاناسىنىڭ جانساقتاۋ بولىمشەسىنە جەتكىزىلىپ، ەكى اپتا بويى باقىلاۋعا الىندى. ودان كەيىن جاڭا تۋعان نارەستەلەردىڭ پاتولوگياسى بولىمشەسىنە اۋىستىرىلدى. نارەستە دۇنيەگە كەلگەندە سالماعى 2 630 گرام بولسا، قازىر 2 890 گرامعا جەتتى»، - دەيدى اقمولا بالالار اۋرۋحاناسىنىڭ باس دارىگەرى سەرىك اقشالوۆ.

 «نارەستەمە مۇنداي دياگنوز قويىلادى دەپ ويلاعان جوقپىن. جۇكتىلىك كەزەڭى ءبىرقالىپتى ءوتتى. ۋاقىتىمەن دارىگەرلىك تىركەۋ الىندىم، بارلىق اناليزدەردى تاپسىرىپ، تەكسەرىلىپ تۇردىم.  ۇلىمنىڭ ءومىرىن ساقتاپ، وتانى ءساتتى جاساپ شىققان دارىگەرلەرگە العىسىمدى بىلدىرگىم كەلەدى»، - دەيدى ءسابيدىڭ اناسى ەۆگەنيا اكايەۆا.

سوڭعى جاڭالىقتار