11:40, 18 - مامىر 2017 | GMT +5
ق ر قورعانىس ءمينيسترى اقتوبە گارنيزونىن تەكسەردى - فوتو
استانا. قازاقپارات - ق ر قورعانىس ءمينيسترى گەنەرال - پولكوۆنيك ساكەن جاسۇزاقوۆ اقتوبە گارنيزونىنا جۇمىس ساپارىمەن باردى، دەپ حابارلايدى مينيسترلىكتىڭ باسپا ءسوز قىزمەتى.
جۇمىس بارىسىندا اسكەري ۆەدومستۆو باسشىسى م. وسپانوۆ اتىنداعى باتىس قازاقستان مەملەكەتتىك ۋنيۆەرسيتەتىنە باردى. وندا وقۋ ماتەريالدىق- بازا مەن اسكەري- مەديتسينالىق فاكۋلتەتى كۋرسانتتارى وقىتىلۋىنىڭ ۇيىمداستىرىلۋىن تەكسەردى.
باتىس وڭىرىنە ساپارى شەڭبەرىندە مينيستر ق ر اۋە قورعانىسى كۇشتەرىنىڭ اسكەري ينستيتۋتىنا باردى. وندا جۇمىستى ءارى قاراي ساپالى ۇيىمداستىرۋ جانە ينستيتۋتتىڭ ينفراقۇرىلىمىن دامىتۋ جونىندە باسشىلىققا ءبىرقاتار تاپسىرمالار جۇكتەدى.
ۆەدومستۆو باسشىسىنا وقۋ ۇشۋلارىنا، جوعارى پيلوتاجدى فيگۋرالاردى ورىنداۋ جانە پلانەرلەردى تىركەپ سۇيرەۋگە ارنالعان ەكى ورىندىق، ءبىر قوزعالمالى «Zlin-242L» ۇشاقتارى كورسەتىلدى. ودان باسقا، اقتوبە قالاسىندا ق ر قورعانىس ءمينيسترى 30238 اسكەري ءبولىمىنىڭ كۇندەلىكتى قىزمەتىنىڭ ۇيىمداستىرىلۋىن تەكسەردى.
