استانادا ساۋد ارابياسى كورولىنىڭ جەكە كورمەسى وتەدى
دەپ حابارلايدى ۇلتتىق مۋزەيدىڭ باسپا ءسوز قىزمەتى.
كورمەدە كورولدىڭ جەكە زاتتارى، قاسيەتتى مۋسحافتار، 1927 -جىلى كورول فەيسالدىڭ باستاماسىمەن اشىلعان كيسۋا ماتاسىن (قاسيەتتى قاعبانى ورايتىن ماتا) وندىرەتىن سەحتا جاسالعان العاشقى كيسۋا جانە ءتۇرلى سۋىق قارۋلار، قۇرمەت توسبەلگىلەرى، فوتوسۋرەتتەر مەن مۇراعاتتىق قۇجاتتار نازارعا ۇسىنىلادى.
فەيسال يبن ابدۋل- ازيز ال ساۋد (1906-1975) - ساۋديتتەر اۋلەتىنەن شىققان ساۋد ارابياسىنىڭ ءۇشىنشى كورولى (1964-1975) ، ساۋد كورولدىگىنىڭ نەگىزىن سالۋشى ابدۋل- ازيز يبن ساۋدتىڭ ءۇشىنشى ۇلى.
«ءال فەيسال باسشىلىق ەتكەن ءداۋىر مۇراسىن باعالاماۋ مۇمكىن ەمەس. كورول جۇرگىزگەن اۋقىمدى رەفورمالار قوعامنىڭ بارلىق قىرلارىنا اسەر ەتىپ مەملەكەتتى جاڭا دەڭگەيگە كوتەردى. ەلدە جوسپارلاۋ جۇيەسى بەكىتىلدى، بۇگىنگى كۇننىڭ وزىندە جاڭا زاڭنامالىق نورمالار دايىنداۋ كەزىندە سۇيەنەتىن ماڭىزدى زاڭدار قابىلداندى. فەيسالدىڭ حالىقارالىق دەڭگەيدەگى باستامالارى كورولدىكتى حالىقارالىق ساياسي، ەكونوميكالىق، مادەني ىنتىماقتاستىقتا بەلسەندىلىك تانىتاتىن ءىرى دەرجاۆالار قاتارىنا قوستى»، - دەلىنگەن حابارلامادا.
كورمە ساعات 10.45-تە باستالادى جانە 2017 -جىلدىڭ 30 - مامىرىنا دەيىن جالعاسادى.
