رەسەيدە مانشۇك مامەتوۆانىڭ ەسكەرتكىشىن قورلاعان ەر ادام ءوز ارەكەتىن ءتۇسىندىردى

استانا. قازاقپارات - ۆيدەونىڭ كادرى قازاقستاننىڭ سانكت پەتەربۋرگتەگى باس كونسۋلدىعى پسكوۆ وبلىسى نەۆەل قالاسىنداعى كەڭەس وداعىنىڭ باتىرى مانشۇك مامەتوۆانىڭ ەسكەرتكىشىن قورلاۋ دەرەگى بويىنشا ر ف ءى ءى م باسقارماسىنان جاۋاپ الدى.

قۇقىق قورعاۋ ورگاندارى ۆيدەونىڭ ەكى جىل بۇرىن تۇسىرىلگەنىن انىقتاعان. ۆاندالدىڭ اتى- ءجونى دە انىقتالعان. ول نەۆەل اۋدانىنىڭ لەونوۆو اۋىلىنىڭ تۋماسى - 1997 -جىلعى سەرگەي رەپوۆ ەكەن.

بەرگەن تۇسىنىكتەمەسىندە ول مامەتوۆانىڭ ەسكەرتكىشىنىڭ ماڭىنان ءوتىپ بارا جاتىپ، «ءساتتى كادر» جاساعىسى كەلگەنىن جازعان. دوسى يليا كۋبانوۆتان سۋرەتكە ءتۇسىرۋىن سۇراعان، ال ول ءوز كەزەگىندە روليكتە «ۆكونتاكتە» جەلىسىنە جۇكتەپتى. بۇل دەرەك پوليتسيانىڭ جەرگىلىكتى بولىمىندە تىركەلگەن.

ەسكە سالايىق، وسىعان دەيىن ينتەرنەتتە تارالعان ۆيدەودا ءبىر ەر ادامنىڭ ەسكەرتكىشكە شىعىپ الىپ، سۋرەتكە تۇسكەنى كورىنەدى. روليكتە بىلاپىت سوزدەر ايتىلعان.


Tengrinews.kz