قاتاڭ رەجىمدەگى تۇزەۋ مەكەمەسىندە كىرپىش شىعاراتىن ءوندىرىس ىسكە قوسىلدى
قىزىلوردا وبلىستىق پروكۋراتۋراسىنىڭ باسپا ءسوز حاتشىسى سەيىل بوتاكوز حابارلاعانداي، «كولونياداعىلاردى جۇمىسپەن قامتۋ-2017» جوباسىن ىسكە اسىرۋدا قىلمىستىق اتقارۋ جۇيەسىنىڭ جۇمىسىن ۇيلەستىرۋ مەن قاداعالاۋ پروكۋراتۋرا ورگاندارىنىڭ باسىمدىقتى باعىتتارىنىڭ ءبىرى بولدى.
وبلىستىق پروكۋراتۋرامەن ق ا ج د- نە پروكۋرورلىق ىقپال ەتۋ اكتىلەرى ەنگىزىلىپ، جەرگىلىكتى اتقارۋشى جانە قۇزىرلى مەملەكەتتىك ورگاندارعا اقپاراتتار جولدانىپ، وڭىردەگى سوتتالعانداردىڭ جۇمىسپەن قامتىلۋ جاعدايىنا نازار اۋدارىلدى.
سوتتالعانداردى جۇمىسپەن قامتۋدا وبلىس اكىمدىگى جانىنداعى كونسۋلتاتيتۆتىك- كەڭەس ورگانىنىڭ قۇزىرى پايدالانىلدى. وبلىس پروكۋرورىنىڭ اعا كومەكشىسى مەيرامحان يبراشەۆتىڭ ايتۋىنشا، بىرلەسىپ قابىلدانعان شارالارمەن «بايسەر كىرپىش زاۋىتى» ج ش س- مەن ز ك-169/4 قونىس- كولونياسىندا كىرپىش شىعاراتىن ءوندىرىس ورنى ىسكە قوسىلىپ، قوسىمشا 40 سوتتالعان جۇمىسپەن قامتىلعان.
سونداي-اق، قاتاڭ رەجىمدەگى ز ك-169/5 تۇزەۋ مەكەمەسىندە دە جاڭا ءوندىرىس ورىندارىن اشۋ جالعاستىرىلدى. ەسكە سالا كەتسەك، كونسۋلتاتيۆتىك- كەڭەس ورگانىنىڭ وتىرىسى تىكەلەي اتالعان مەكەمەدە وتكىزىلىپ، وعان وڭىرلىك كاسىپكەرلىك پالاتا مەن بيزنەس وكىلدەرى قاتىسقان بولاتىن.
وتىرىستا جاڭا ءوندىرىس ورىندارىن، ونىڭ ىشىندە كىرپىش زاۋىتىن ىسكە قوسۋ تۋرالى شەشىمدەر قابىلداندى. اعىمداعى جىلدىڭ 20 -ساۋىرىندە مەكەمەدە جاڭادان كىرپىش شىعارۋ ءوندىرىسى ىسكە قوسىلىپ، 31 سوتتالعان جۇمىسپەن قامتىلدى. قابىلدانعان شارالارمەن بارلىق تۇزەۋ مەكەمەلەرىندەگى سوتتالعانداردى جۇمىسپەن قامتۋ %79,6 قۇراپ، جوبانىڭ ورىندالۋىنا قول جەتكىزىلدى.
جوبانىڭ ىسكە اسىرىلۋى تۇرمەدەگىلەردىڭ سانىنىڭ تومەندەۋىنە ىقپال ەتىپ، جىل سايىن بوساتىلعانداردىڭ سانى ارتتى: 2014 ج. - 229, 2015 ج. - 355, 2016 ج. - 381 بوساتىلعان. تۇرمەدەگىلەردىڭ سانىنىڭ تومەندەۋى اعىمداعى جىلى دا جالعاسىپ، ءبىرىنشى توقساندا 210 (79) سوتتالۋشى بوساتىلسا، ونىڭ 141 ى «ق ر تاۋەلسىزدىگىنىڭ جيىرما بەس جىلدىعىنا بايلانىستى راقىمشىلىق تۋرالى» زاڭىمەن بوساتىلعان.
