22:53, 17 - مامىر 2017 | GMT +5
بايقوڭىردا قازاقستاندىقتاردىڭ ساناعى جۇرگىزىلەدى
بايقوڭىر. قازاقپارات - 2017-جىلعى ساۋىردەن باستالعان بايقوڭىر قالاسىنىڭ تۇرعىندارى - قازاقستان رەسپۋبليكاسىنىڭ ازاماتتارىن ساناقتان وتكىزۋ جۇمىستارى ودان ءارى جالعاسادى، دەپ حابارلايدى «قازاقپارات» ح ا ا ءتىلشىسى.
بايقوڭىردا تۇراتىن ق ر ازاماتتارىنىڭ ساناعى ولاردى ق ر مىندەتتى الەۋمەتتىك مەديتسينالىق ساقتاندىرۋ تىزىمىنە ەنگىزۋ ماقساتىندا جۇرگىزىلۋدە دەپ ءتۇسىندىردى بايقوڭىر قالاسى اكىمشىلىگىنىڭ باسپا ءسوز قىزمەتى.
«2017-جىلعى 3-10- ءساۋىر ارالىعىندا ەرىكتىلەر 11444 پاتەردى ارالاپ، 32008 ازاماتتىڭ دەرەكتەرىن راستادى. 2850 پاتەر بويىنشا دەرەكتەردىڭ انىقتالماۋىنا بايلانىستى 9047 ازامات تۋرالى مالىمەت ناقتىلانبادى. وسى ورايدا ەرىكتىلەردەن قۇرالعان ارنايى جۇمىس توبى قازاقستاندىقتار تۋرالى دەرەكتەردى جيناۋ جۇمىستارىن ودان ءارى جالعاستىراتىن بولادى»، - دەپ اتاپ ءوتتى اكىمشىلىك.
