21:08, 17 - مامىر 2017 | GMT +5
ق ر اقپارات جانە كوممۋنيكاتسيالار ۆيتسە-ءمينيسترى تاعايىندالدى
استانا. قازاقپارات - ق ر ۇكىمەتى قاۋلىسىمەن بالىقبايەۆ قايرات تاكىر ۇلى قازاقستان رەسپۋبليكاسىنىڭ اقپارات جانە كوممۋنيكاتسيالار ۆيتسە- ءمينيسترى بولىپ تاعايىندالدى.
بۇل تۋرالى primeminister.kz سايتىندا حابارلاندى.
قايرات بالىقبايەۆ 1982-جىلى الماتى قالاسىندا دۇنيەگە كەلگەن. 2003-جىلى ءال-فارابي اتىنداعى قازۇۋ-دى، 2005-جىلى - حالىقارالىق بيزنەس اكادەمياسىن، 2009-جىلى - ق. ي. ساتبايەۆ اتىنداعى قازۇتۋ-دى ءتامامداعان.
ەكونوميست، ەكونوميكالىق كيبەرنەتيكا، مۇناي-گاز ءىسى، مەنەدجمەنت سالالارىندا بىلىكتىلىككە يە. قازاق، ورىس، اعىلشىن تىلدەرىن مەڭگەرگەن.
ەڭبەك جولىن 2003-جىلى باستاعان، كوممەرتسيالىق جانە ۇلتتىق كومپانيالاردا ءتۇرلى لاۋازىمداردى اتقارعان. ق ر اقپارات جانە كوممۋنيكاتسيالار مينيسترلىگىنە تاعايىندالعانعا دەيىن «ق م گ گلوبال سوليۋشنس بي. ۆي.» ك ج ش ب باس ديرەكتورىنىڭ ورىنباسارى قىزمەتىندە بولعان.
