جاس جۋرناليستەرگە ارناپ «ەگەمەن قازاقستان» گازەتى بايگە جاريالادى

استانا. قازاقپارات - «ەگەمەن قازاقستان» گازەتى جاس جۋرناليستەرگە ارناپ ارنايى بايگە جاريالايدى.

بيىلدان باستاپ ءداستۇرلى تۇردە جالعاساتىن بايگەگە مەرزىمدى باسىلىمداردا ماتەريالدارىن جاريالاۋ ارقىلى 18-35 جاس ارالىعىنداعى جۋرناليستەر قاتىسا الادى، دەپ حابارلايدى قازاقپارات.

جاس جۋرناليستەرگە ارنالعان كونكۋرسقا قاتىسۋ ەرەجەسىنە سايكەس، بايگەگە 18 بەن 35 جاس ارالىعىنداعى جۋرناليستەر قاتىسا الادى.

كونكۋرستىڭ تاقىرىبى جىل سايىن وزگەرىپ تۇرادى جانە ونى «ەگەمەن قازاقستان» ر گ» ا ق رەداكسيا القاسى بەكىتەدى.

كونكۋرسقا كەلىپ تۇسكەن ماتەريالداردى باعالاۋ ءۇشىن ارنايى كوميسسيا قۇرىلادى. «بيىلعى «ەگەمەن قازاقستان» گازەتىنىڭ جاس جۋرناليستەرگە ارنالعان سىيلىعى «تۋعان جەر: كونە تاريحتىڭ كومبەسى» دەگەن تاقىرىپ اياسىندا جاريالانعان.

ول 3 نوميناتسيا بويىنشا «ۇزدىك تانىمدىق ماتەريال»، «ۇزدىك جۋرناليستىك زەرتتەۋ» جانە «ۇزدىك فوتورەپورتاج» ءۇشىن جاريالانادى.

ۇمىتكەرلەردىڭ ماقالالارى تۋعان جەر، كيەلى ورىندار مەن كورىكتى مەكەندەر تاقىرىبىن قامتىپ، تاريحي-تانىمدىق تۇرعىدان جازىلۋى نەمەسە وزەكتى ماسەلەلەردى قوزعاۋى ءتيىس»، - دەلىنگەن كونكۋرس تۋرالى حابارلامادا.

ۇزدىك ماتەريال اۆتورلارى ماراپاتتاۋعا ۇسىنىلادى. ولاردىڭ ءارقايسىسىنا ارنايى كادەسىي جانە 200000 (ەكى ءجۇز مىڭ) تەڭگە اقشالاي سىيلىق تاپسىرىلادى.

قوسىمشا ىنتالاندىرۋ سىيلىعى كونكۋرستىق كوميسسيانىڭ ۇسىنىسىمەن تاعايىندالۋى مۇمكىن. كونكۋرس جەڭىمپازدارى جۋرناليستەردىڭ كاسىبي مەرەكەسى قارساڭىندا ماراپاتتالادى.