قانات يسلامنىڭ كەلەسى جەكپە-جەگى تىكەلەي ەفيردەن كورسەتىلەدى

استانا. قازاقپارات - 27- مامىر كۇنى «قازاقستان» مەن «kazsport» ارنالارى قانات يسلام (23-0, 19 ك و) مەن نوربەرتو گونسالەستىڭ (23-8, 13 ك و) جەكپە-جەگىن تىكەلەي ەفيردە كورسەتەدى، دەپ حابارلايدى قازاقپارات ءتىلشىسى «kazsport» ارناسىنىڭ رەسمي سايتىنا سىلتەمە جاساپ.

«ءبىزدىڭ وتانداسىمىز ءبىرىنشى ورتا سالماقتا WBO NABA جانە WBA Intercontinental تيتۋلى ءۇشىن ايقاسادى.

بۇل بوكس كەشىنە وزگە قازاقستاندىق بوكسشى جانقوش تۇراروۆ تا قاتىسادى. ونىڭ قارسىلاسى - مەكسيكالىق گۋستاۆو گاريباي (13-8-2, 5 ك و). قازىر بوكسشىلار ماياميدە ورنالاسقان جاتتىقتىرۋ بازاسىندا شەبەرلىكتەرىن شىڭداۋ ۇستىندە. تاياۋ كۇندەرى الداعى ايقاس تۋرالى باسپا ءسوز ءماسليحاتى وتەدى»، - دەلىنگەن تەلەارنانىڭ حابارلاماسىندا.

اۆتور: ارمان اسقاروۆ