ءابىليازوۆتىڭ ءوز ىسىنە وكىنگەن سىبايلاسى ەۋروپالىق دەپۋتاتتارعا جۇگىندى
ءابىليازوۆ ءىسىنىڭ فيگۋرانتى ەۋروپا كەڭەسى پارلامەنتتىك اسسامبلەياسىنىڭ پرەزيدەنتى پ. اگرامۋنت جانە وسى ۇيىمنىڭ باس حاتشىسى ۆ. ساۆيتسكيگە ارنالعان اشىق حات جاريالادى.
جارىمبەتوۆتىڭ ايتۋىنشا، ونىڭ قازاقستانعا ءوز ەركىمەن ورالۋى جانە «ب ت ا بانكتەن» اقشا ۇرلاۋ تۋرالى ءىس بويىنشا سوت پروتسەسىنە قاتىسۋى ەۋروپالىق ب ا ق- تا بۇرمالانىپ جاريالانىپ، بەدەلى، قۇقىعى مەن ەركىندىگىنە نۇقسان كەلتىرۋدە.
«اشىق ديالوگ» پولشالىق فۋنداتسياسى مۇحتار ءابىليازوۆتىڭ ۇسىنۋىمەن تالداۋ ماتەريالدار سەرياسىن جاريالادى، وندا مەنىڭ قازاقستانعا كەلۋىمدى «ۇرلىق» دەپ اتاعان». «مەنى ەشكىم ۇرلاماعانىن اشىق ايتتىم جانە قايتالاپ ايتامىن. قازاقستانعا ەشكىمنىڭ قىسىم كورسەتۋىمەن ەمەس، ءوز ەركىممەن كەلدىم. ۇلى بريتانيانىڭ ماعان بەرگەن ساياسي بوسقىن مارتەبەسىن پايدالانۋىما بولۋشى ەدى، ءبىراق مەن ادەيى ولاي جاسامادىم»، - دەلىنگەن حاتتا.
جارىمبەتوۆتىڭ جۇبايىنىڭ ۇرلانۋى تۋرالى مالىمدەمە جاساۋىنا ءابىليازوۆ پەن «اشىق ديالوگتىڭ» باسشىسى ليۋدميلا كوزلوۆا ماجبۇرلەگەن.
«ولار جۇبايىمدى مەنىڭ اينالامدا تۋىنداعان ماسەلە مەن ونىڭ جاعدايىن پايدالانىپ، مەنىڭ ۇرلانعانىم تۋرالى حاتقا قول قويۋىنا كوندىرگەن»، - دەدى «ب ت ا بانك» ءتوراعاسىنىڭ بۇرىنعى ورىنباسارى.
بۇل رەتتە، جارىمبەتوۆ «اشىق ديالوگ» ءالى دە ونىڭ ۇرلانعانى تۋرالى ماتەريالدار جاريالاۋدى جالعاستىرۋدا. وسىعان بايلانىستى سوتتالۋشى پارلامەنت اسسامبلەياسىنىڭ دەپۋتاتتارىن وسى ىسكە ارالاسۋىن سۇرايدى.
«اشىق ديالوگقا» جالعان، دايەكسىز، تەكسەرىلمەگەن فاكتىلەردى پايدالانۋىنا جول بەرمەۋگە، وسەك-جالادان قۇرالعان دەرەكتەردى تەرىسكە شىعارۋعا ماجبۇرلەۋگە، ءوز ارەكەتتەرىن تۇسىندىرۋگە نازار اۋدارۋدى سۇرايمىن»، - دەپ جازدى جاقسىلىق جارىمبەتوۆ.
ول ۇيىم قىزمەتكەرلەرىمەن جەكە كەزدەسۋگە مۇمكىندىگى بولماعاندىقتان اشىق حاتپەن جۇگىنگەنىن اتاپ ءوتتى.
«مەنىڭ اينالامداعى جاعدايعا قاتىستى ءوز ۇستانىمىمدى ءتۇسىندىرۋ جانە ادال اتىمدى قالپىنا كەلتىرۋ ءۇشىن تىكەلەي ءوتىنىشىمدى قاراۋىڭىزدى شىن كوڭىلىممەن ءوتىنىپ سۇرايمىن»، - دەپ ءسوزىن تۇيىندەدى جارىمبەتوۆ.
