ايتىسكەر اقىن سارا توقتامىسوۆا ۇزاتىلار قىزدارعا ارناپ بەينەبايان ءتۇسىردى - ۆيدەو

استانا. قازاقپارات - ەسترادا جۇلدىزدارى ۇزاتۋ تويىنا ارنالعان سىڭسۋ جازىپ، توي بيزنەستىڭ جاڭا باعىتىن دامىتتى.

بۇگىندە تانىمال ءارتىستىڭ قولىنان ۇزاتىلۋ سانگە اينالدى. جۋىردا قىز ۇزاتاتىن انشىلەردىڭ قاتارىنا قوس بىردەي ايتىسكەر اقىن (اينۇر تۇرسىنبايەۆا مەن سارا توقتامىسوۆا) قوسىلدى.

بۇل تۋرالى Stan.kz حابارلايدى.

سەمەي وڭىرىنەن شىققان اقىن سارا توقتامىسوۆا 2016-جىلدىڭ سوڭىنا قاراي ءوز سوزىنە جازىلعان «اقەركەم» اتتى ءانىن حالىققا ۇسىنعان ەدى. مىنە، اراعا بىرنەشە اي سالىپ، توقتامىسوۆا سول انگە بەينەبايان ءتۇسىردى.

قازاقتىڭ سالت-ءداستۇرى مەن ادەت-عۇرپىن ناسيحاتتايتىن بەينەبايان «توي دۋمان» ارناسىنىڭ YouTube-تەگى پاراقشاسىندا پايدا بولدى.