بوزىمبايەۆ قازاقستاننىڭ ەڭ ءىرى ءۇش كەن ورنىنان قانشا مۇناي وندىرىلەتىنىن ايتتى
«مۇناي- گاز سالاسى ءۇشىن 3 ءىرى كەن ورنىنداعى جوبالاردى تابىستى جۇزەگە اسىرۋ بارىنشا ماڭىزدى. ونىڭ ءبىرىنشىسى - قاشاعان. 2017-جىلدىڭ 3- اقپانىندا «د» ارالىنداعى ءبىرىنشى ۇڭعىما، 2017-جىلدىڭ ناۋرىزىندا «ارس-3» ءبىرىنشى ۇڭعىماسى ىسكە قوسىلدى. قازىرگى ۋاقىتتا ءوندىرۋ كولەمىن تاۋلىگىنە 270 مىڭ باررەلگە جەتكىزۋ ماقساتىندا شيكى گازدى ايداۋ قۇرىلعىسىن ىسكە قوسۋ جۇمىستارى جالعاسۋدا»، - دەدى ق ر ەنەرگەتيكا ءمينيسترى قانات بوزىمبايەۆ وتىرىس بارىسىندا.
ونىڭ دەرەگىنشە، اعىمداعى جىلى اتالعان كەن ورنىنان شامامەن 5 ميلليون توننا مۇناي مەن 3,1 ميلليارد تەكشە مەتر گاز ءوندىرۋ جوسپارلانعان.
ايتا كەتەرلىگى، اعىمداعى جىلدىڭ 4 ايىندا قاشاعاننان 2,2 ميلليون توننا مۇناي ءوندىرىلدى. «ال 2017-جىلى قاراشىعاناقتا 11,8 ميلليون توننا مۇناي مەن 18 ميلليارد تەكشە مەتر ءوندىرۋ جوسپارلانعان. 7 ايدىڭ ىشىندە 4,3 ميلليون توننا سۇيىق كومىرسۋتەگى ءوندىرىلدى. بۇل وتكەن جىلعى كورسەتكىشتەن 12 پايىزعا ارتىق»، - دەدى ول.
ءمينيستردىڭ ايتۋىنشا، جىل سوڭىنا دەيىن تەڭىز كەن ورنىنان 27,5 ميلليون توننا مۇناي مەن 4,5 ميلليارد تەكشە مەتر گاز ءوندىرۋ كوزدەلگەن. وسى جىلدىڭ 4 ايىندا بۇل كەن ورنىنان 9,7 پايىز مۇناي الىندى. بۇل وتكەن جىلعى كەزەڭ كورسەتكىشىمەن بىردەي.
اۆتور: مارلان جيەمباي
