جەزقازعاندا سوت شەشىمىنە نارازى تالاپكەر ءوزىن پىشاقپەن جاراقاتتادى

قاراعاندى. قازاقپارات - قاراعاندى وبلىستىق سوتىنىڭ اپپەلياتسيالىق القاسىنىڭ قاۋلىسىنا نارازىلىق رەتىندە جەزقازعان قالالىق سوتىنىڭ عيماراتىندا تالاپكەر پىشاقپەن ءىشىن، جاراقاتتادى، دەپ حابارلادى «قازاقپارات» ح ا ا ءتىلشىسى.

جەزقازعان قالالىق سوتىنان حابارلانعانداي، ەر ادام نەگىزگى عيماراتتا ەمەس، سوت حولىندا وزىنە جاراقات سالدى.

«ول باقىلاۋ-وتكىزۋ پۋنكتىنەن تۋرنيكەت ارقىلى وتكەن جوق. ەر ادام سوت حولىندا بولدى»، - دەپ حابارلادى سوتتا، ول تىكەلەي سوت شەشىمىنە قاناعاتتانعان.

«شاحتەر بولىپ جۇمىس ىستەگەن تالاپكەر جۇمىسىندا قالدى. جۇمىستان بوساتۋ تۋرالى بۇيرىق جويىلعان»، - دەپ حابارلادى سوت وكىلدەرى.

الايدا «قازاق مىس» كومپانياسى - جۇمىس بەرۋشىنىڭ زاڭگەرلەرى اپەللياتسيالىق شاعىم تۇسىرگەن. شاعىم وبلىستىق سوتتىڭ ازاماتتىق جانە اكىمشىلىك ءىس بويىنشا اپەللياتسيالىق القاسىنىڭ قاۋلىسىمەن قاناعاتتاندىرىلدى، سوت قاۋلىسىنا نارازىلىق تانىتقان تالاپكەر جەزقازعان سوتىنا كەلىپ، سوت توراعاسىمەن كەزدەسۋدى تالاپ ەتكەن.

كىرگىزۋدەن باس تارتۋ، بەلگىلەنگەن كۇنى قابىلداۋعا جازىلۋ تۋرالى ۇسىنىس العان ول، پىشاقپەن قارنىن تىلە باستاعان. پوستا كەزەكشىلىكتەگى قىزمەتكەرلەر دارىگەر شاقىرتادى. زارداپ شەگۋشى اۋرۋحاناعا جاتقىزىلدى.