ءۇندىستاننىڭ سيىردى قۇرمەتتەۋ سەبەبى نەدە؟

ءۇندى حالقىنىڭ سيىرلارى جاياۋ جۇرگىنشىلەر جولىمەن وتە مە؟ بۇل تەڭەۋ قانداي جاعدايعا بايلانىستى ايتىلعان؟ ءۇندى حالقى بارلىق جان- جانۋارعا ەرەكشە قۇرمەتپەن قارايدى. سونىڭ ىشىندە سيىر تۇلىگىنە دەگەن سىي- قۇرمەتى ەرەكشە. سەبەبى ونى مەيىرىمدىلىكتىڭ، دانالىقتىڭ، بەيبىتشىلىكتىڭ سيمۆولى رەتىندە تانىپ، انالىق قاسيەتتەرى كوپتەپ كەزدەسەدى دەپ قابىلدايدى. ءۇندىستاندا سيىردىڭ قاسيەتتى جانۋارعا اينالۋى جونىندە بىرنەشە اڭىز بار. ءۇندى ميفولوگياسىنا سۇيەنسەك، قازا بولعاننان كەيىن كوككە جەتكەنشە وزەندى كەشىپ ءوتۋ قاجەت.

مۇنى تەك قانا سيىردىڭ قۇيرىعىنا جالعانۋ ارقىلى جۇزەگە اسىرۋعا بولادى. پۋراندا (ەجەلگى يندۋيزم جازباسى) جازىلعان دەرەك بويىنشا، ءتاڭىر مۇحيتتى جاراتقاندا، ودان بارلىق ارماندى ورىندايتىن كامدحەن سيىرىن العان. ۇندىلەر بارلىق سيىردى كامدحەن سانايدى، ولاردى دا جاقسىلاپ باعىپ- قاعىپ، قاستەرلەسە، كەز كەلگەن ارماندى ورىنداۋعا قابىلەتتى دەپ سەنەدى. سيىر - اسىراۋشى. سەبەبى ءسۇت تە، وزگە ءسۇت ونىمدەرى دە ادام دەنساۋلىعىنا اسا پايدالى.

Massaget.kz