شاكارىمنىڭ كۇمىسپەن كۇپتەلگەن بەلبەۋى تابىلدى

استانا. قازاقپارات - اقىن، جازۋشى ءارى فيلوسوف شاكارىم قۇدايبەردى ۇلىنىڭ وسىدان ءبىر عاسىر بۇرىن تاققان بەلبەۋى تابىلدى.

ونى ايماق كاسىپكەرى ولجاس ەسەنعارين قىتايدا تۇراتىن قاپىرىق دەگەن كىسىنىڭ بالالارىنان ساتىپ الىپتى. بەلبەۋدى كەزىندە ولارعا شاكارىمنىڭ ۇلى زيات بەرگەن ەكەن.

بۇل قۇندى دۇنيەنى جاناشىر ازامات قاراۋىلداعى مۇراجايعا تاپسىرۋدى ءجون ساناعان. ۇزىندىعى 1 مەتر 20 سانتيمەتر بولاتىن بەلبەۋدى شاكارىم قاجى قالىڭ شاپاننىڭ سىرتىنان تاققان دەگەن جورامال بار. وتكەن عاسىردىڭ اۋمالى- توكپەلى 30 - جىلدارى زيات شاكارىم ۇلى اكەسىنىڭ ايتۋىمەن ەلمەن بىرگە قىتاي اسقانى تاريحتان بەلگىلى.

 مالعاجدار ءجۇنىسجانوۆ، وبلىستىق ولكە تانۋ مۇراجايىنىڭ اۋداندىق بولىمشەسىنىڭ مەڭگەرۋشىسى:

 - 100 جىلدىق تاريحى بولسا دا، كۇمىستەرمەن كومكەرىلگەن. وزدەرىڭىز قاراساڭىزدار، قايىستان جاسالعاندىقتان، بۇگىنگە دەيىن سول قالپىندا ساقتالعان. ءبىز بۇنى ارنايى مۇراجايدىڭ قىزمەتكەرلەرىنە كورسەتىپ، ناعىز كۇمىسپەن كومكەرىلگەنىن انىقتادىق.

www.24.kz