ەرەكشە گاۋھار تاستى سىرعا رەكوردتىق سوماعا ساتىلدى

استانا. قازاقپارات - جەنەۆادا Sotheby's اۋكسيونىندا الەمدە وتە سيرەك كەزدەسەتىن گاۋھار تاستى سىرعا رەكوردتىق سوما - 57,4 ميلليون دوللارعا ساتىلدى.

بۇل الەمدىك رەكورد بولىپ سانالادى، سالماعى 14,5 جانە 16 كارات اسىل تاس ءوزىنىڭ تازالىعىمەن جانە وزگەشە تۇسىمەن الەمدەگى ەڭ ادەمىسى بولىپ ەسەپتەلەدى: سىرعانىڭ ءبىرى القىزىل، ال ەكىنشىسى كوگىلدىر. «بۇل تاستار وتە سيرەك كەزدەسەدى، قىسقاشا قايىرعاندا ولار تاڭداي قاقتىرارلىقتاي»، - دەپ ءمالىم ەتتى Sotheby's حالىقارالىق زەرگەرلىك بولىمشەسىنىڭ باسشىسى دەۆيد بەننەت.

العاشىندا ولار ءباسساۋدادا ءبىر- بىرىنەن بولەك قويىلادى دەپ جوسپارلانعان بولاتىن. ءبىراق ناتيجەسىندە ەكى سىرعانى دا اتى بەلگىسىز ادام ساتىپ الدى.