بۇگىن ەل اۋماعىنىڭ باسىم بولىگىندە جەل كۇشەيەدى
قازگيدومەتتىڭ حابارلاۋىنشا، قىزىلوردا وبلىسىنىڭ كەي جەرلەرىندە شاڭ كوتەرىلىپ، جەلدىڭ جىلدامدىعى 15-20 م/س جەتەدى، نايزاعاي جارقىلداپ، بۇرشاق جاۋۋى مۇمكىن. وڭتۇستىك قازاقستان، شىعىس قازاقستان وبلىستارىنىڭ كەي جەرلەرىندە بۇرشاق كۇتىلەدى، جەلدىڭ كۇشى 15-20 م/س بولادى.
الماتى، پاۆلودار، جامبىل وبلىستارىنىڭ كەي جەرلەرىندە جەل 15-20 م/س كۇشەيەدى. جامبىل وبلىسىندا جەلدىڭ ەكپىنى 23 م/س جەتەدى. ماڭعىستاۋ، قاراعاندى وبلىستارىنىڭ كەي جەرلەرىندە جەلدىڭ 15-20 م/س كۇشەيۋى كۇتىلەدى، تۇندە جانە تاڭەرتەڭ تۇمان تۇسەدى. سولتۇستىك قازاقستان وبلىسىندا تۇندە جانە تاڭەرتەڭ كەي جەرلەرىندە تۇمان بولادى. تۇندە اقمولا، اقتوبە، قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە 0-5 گرادۋسقا تومەندەپ، ۇسىك جۇرەدى. كۇندىز وڭتۇستىك قازاقستان وبلىسىنىڭ كەي جەرلەرىندە وتە جوعارى ءورت قاۋپى ساقتالادى.
