02:15, 17 - مامىر 2017 | GMT +5
تۇركيا مەن يران شەكاراسىندا قورعان سالىنادى
استانا. قازاقپارات - تۇركيا - يران شەكاراسىندا قورعان سالىنادى. ول اگرى مەن ىگدىر پروۆينتسيالارىنداعى 144 شاقىرىمدى قامتيدى.
تۇرىك ەلىنىڭ ۇلتتىق قورعانىس ءمينيسترى فيكري ىشىكتىڭ ايتۋىنشا، بۇل شەكارالاس ايماقتاعى تۇرعىنداردىڭ قاۋىپسىزدىگىن ساقتاۋ ماقساتىندا جاسالىپ وتىر. ءوز كەزەگىندە رەسمي تەگەران انكارانىڭ بۇل باستاماسىن قۇپتاپ، شەكاراداعى قاۋىپسىزدىك شاراسىن كۇشەيتۋگە باعىتتالعان كەز كەلگەن باستاماعا قولداۋ بىلدىرەتىنىن جەتكىزدى. قوس ەلدىڭ اراسىندا قورعان تۇرعىزۋ جۇمىستارى بيىل باستالادى. اتاپ ءوتۋ كەرەك، تۇركيا سونىمەن قاتار سيريا بوسقىندارىن باقىلاۋعا الۋ ءۇشىن بىلتىردان بەرى كورشى سيريامەن دە شەكاراسىن بەتون قابىرعامەن شەگەندەپ جاتىر.
www.24.kz
