19:12, 16 - مامىر 2017 | GMT +5
ءجۇرسىن ەرمان: توي بيزنەس زامانىندا كۇن كورۋ ءۇشىن ايتىسكەرلەر دە ءان ايتسىن
استانا. قازاقپارات - كەيىنگى كەزدە اقىنداردىڭ ءان ايتىپ ساحناعا شىعۋ ۇيرەنشىكتى جاعدايعا اينالدى. ال، اقىن قىزدار ءقازىر قىز ۇزاتىپ، تويلاردى جاعالاپ ءجۇر.
ءجۇرسىن ەرمان بۇل تۋرالى Stan.kz سايتىنا بەرگەن سۇحباتىنا ايتتى.
اقىنداردىڭ ۇستازىنا اينالعان ءجۇرسىن ەرمان «اقىندار دا توي- بيزنەستىڭ زامانىندا كۇن كورۋ كەرەك» دەپ قىسقا قايىردى.
«اقىندار سەگىز قىرلى ءبىر سىرلى قازاقتىڭ ۇل قىزدارى. تويدىڭ ءسانى سولار ەمەس پە؟ بارىپ حالىقتىڭ كوڭىلىن كوتەرىپ، ايتىسىنا زيانىن تيگىزبەسە، قازىر توي بيزنەستىڭ زامانىندا ولار دا كۇن كورۋ كەرەك. سوندىقتان مەن ودان جامانشىلىق كورمەيمىن. تويعا بارا بەرسىن» ، - دەيدى ءجۇرسىن ەرمان.
