18:47, 16 - مامىر 2017 | GMT +5
بەيجىڭ اۋەجايىندا «ەير استانا» رەيسى بوگەلىپ تۇر
استانا. قازاقپارات - بەيجىڭ اۋەجايىندا Air Astana رەيسى بوگەلدى، دەپ حابارلادى «قازاقپارات» ح ا ا ءتىلشىسى.
«بەيجىڭ - استانا رەيسىنىڭ بوگەلۋ سەبەبى - قوزعالتقىش پارامەترلەرىنىڭ كەلىسىلمەۋى»، - دەدى «ەير استانا» كومپانياسىنىڭ كورپوراتيۆتىك كوممۋنيكاتسيالار مەنەدجەرى تىلەك ءابدىراحىموۆ.
اۆياكومپانيا باسپا ءسوز قىزمەتىنىڭ دەرەكتەرىنە سايكەس، ۇشاق استاناعا بۇگىن تۇندە 02.55-تە ۇشۋى ءتيىس بولعان. الايدا تەحنيكالىق سەبەپتەرمەن كەيىنگە قالدىرىلدى.
ەندى ول بەيجىڭ ۋاقىتى بويىنشا 23.55 تە ۇشادى. رەيستىڭ 118 جولاۋشىسى قوناق ۇيگە ورنالاستىرىلدى.
