قىتايدا كوشپەندى قازاق مادەنيەتى تۋرالى فيلم تۇسىرىلمەك - فوتو

 استانا. قازاقپارات - قىتايدىڭ «تيان- شان» كينو ستۋدياسى كوشپەندى قازاق ءومىرىنىڭ بۇگىنگى بەت- بەينەسىن، تۇرمىس- تىرشىلىگىن ارقاۋ ەتكەن كوركەم فيلم تۇسىرمەك، دەپ حابارلايدى قازاقپارات.

 قىتايدىڭ حالىق گازەتى سايتىنداعى مالىمەتكە سۇيەنسەك، ءتۇسىرىلىم 13 - مامىر كۇنى شىنجاڭنىڭ موري قازاق اۆتونوميالى اۋدانىندا رەسمي باستالعان.

«شوپان رۋحى» دەپ اتالاتىن بۇل فيلمدە قۇمار جانە قاديشا ەسىمدى مالشى وتباسىنىڭ ءومىرى ارقىلى كوشپەلى مادەنيەتتىڭ قازىرگى كورىنىسى، تاڭعاجايىپ دالا تابيعاتى تۇسىرىلمەك.

«قوعام ەكونوميكاسىنىڭ، مادەنيەتىنىڭ دامۋىمەن بىرگە ەلىمىزدەگى قازاق ۇلتىنىڭ دا تۇرمىسى جاقسارىپ، وركەندەپ كەلەدى. بۇگىندە قاتىناس قۇرالدارىنىڭ دامۋىنا بايلانىستى بايىرعى كوشپەلى ءومىردىڭ بەينەسى وزگەردى. سوندىقتان ءبىز فيلمدە قازاقتىڭ كوشپەلى مادەنيەتىنىڭ جارقىن بەينەسىن جان- جاقتى سۋرەتتەيمىز. فيلم حالىقارالىق دەڭگەيدە ناسيحاتتالىپ، « ءبىر بەلدەۋ، ءبىر جول» جوباسى ارقىلى ەجەلگى جىبەك جولى بويىنداعى ەلدەرگە كورسەتىلەتىن بولادى. سول ارقىلى بۇكىل الەم شىنجاڭنىڭ اسەم تابيعاتىمەن تانىسا الادى. بۇندا ءبىزدىڭ ەڭ ۇزدىك شىعارماشىلىق توپ جۇمىس جاسايدى» ، - دەيدى «تيان- شان» كينو ستۋدياسىنىڭ باسشىسى گاۋ حاۋاڭگاڭ.

اۆتور: ريزابەك نۇسىپبەك ۇلى