16:01, 16 - مامىر 2017 | GMT +5
رەسەيلىك جۋرنال تيمۋر بەكمامبەتوۆتى ەڭ تابىستى رەجيسسەر دەپ اتادى
استانا. قازاقپارات - رەسەيلىك Forbes جۋرنالىنىڭ نۇسقاسى بويىنشا قازاقستاندا تۋىپ-وسكەن تيمۋر بەكمامبەتوۆ رەسەيدىڭ ەڭ تابىستى رەجيسسەرى بولىپ تانىلدى.
سايكەس رەيتينگ جۋرنالدىڭ سايتىندا جاريالانعان، دەپ حابارلايدى ريا نوۆوستي.
سايتتا جاريالانعان مالىمەتتەرگە سايكەس، كوپشىلىككە «تۇنگى شولعىنشى» جانە «ەلكا» فيلمدەرى ارقىلى تانىلعان تيمۋر بەكمامبەتوۆتىڭ «اسا قاۋىپتى» (2008) فيلمى ەڭ تابىستى رەسەيلىك فيلمدەردىڭ كوشىن باستاعان، ونىڭ تابىسى 430 ميلليون دوللارعا باعالانعان. رەيتينگتىڭ ەكىنشى قاتارىنا «ۋبرات يز درۋزەي» تريللەرىنىڭ رەجيسسەرى لەۆان گابريادز ورنالاسقان، ەڭ كاسسالىق فيلمنىڭ ۇشتىگىن فەدور بوندارچۋكتىڭ «ستالينگراد» فيلمى تۇيىندەپ تۇر.
