14:40, 16 - مامىر 2017 | GMT +5
اۆستراليالىق جىگىت سۇيىكتىسىنە ەرەكشە ۇسىنىس جاساپ تاڭعالدىردى - فوتو
استانا. قازاقپارات - اۆستراليالىق تەرري ەسىمدى جىگىت ءوزىنىڭ سۇيىكتىسى اننا دەگەن قىزعا ەرەكشە ۇسىنىس جاسادى.
ولاردىڭ قارىم-قاتىناستارىنا ءبىر جىل تولعان كەزدە تەرري انناعا اعاشتان جاسالعان ءوزى قولدان جاساعان القا سىيلايدى.
اننا ەشتەڭە ويلاماستان القانى تاستاماي تاعىپ جۇرگەن.
شىن مانىندە القانىڭ ىشىندە ءوز ءساتىن كۇتىپ جۇرگەن ساقينا جاسىرىلعان ەكەن.
شوتلاندياداعى سمۋ كەيۆ ۇڭگىرىنە جاساعان ساياحات كەزىندە تەرري القانى اشىپ، ىشىنەن ساقينانى الىپ انناعا تۇرمىسقا شىعۋ تۋرالى ۇسىنىستى جاسايدى.
مىنانى كورگەن اننا ەسى شىعىپ قۋانىپ ءارى قاتتى تاڭىرقايدى. جانە جىگىتىنە بىردەن كەلىسىمىن بەرەدى.
Stan.kz
