قوستانايدا شەكارا قىزمەتكەرلەرى پارا العانى ءۇشىن سوتتا جاۋاپ بەرەدى

قوستاناي. قازاقپارات - قوستانايدا شەكارا قىزمەتكەرلەرى پارا العانى ءۇشىن سوت الدىندا جاۋاپ بەرەدى، دەپ حابارلايدى «قازاقپارات» ح ا ا ءتىلشىسى قوستاناي وبلىستىق سوتىنىڭ باسپا ءسوز قىزمەتىنە سىلتەمە جاساپ.

 قوستاناي قالالىق №2 سوتىنا «قوستاناي شەكارا راسىمدەۋ ورتالىعى» شەكارا بەكەتىنىڭ 8 قىزمەتكەرىنە قاتىستى قىلمىستىق ءىس كەلىپ ءتۇستى. ولار بىرنەشە باپ بويىنشا ايىپتالۋدا: پارا الۋعا دەلدالدىق جاساۋ، ءوزىنىڭ قىزمەتىن پايدالانىپ بىرنەشە رەت پارا الۋعا دەلدالدىق جاساۋعا وقتالۋ. ايىپتالۋشىلار وزدەرىنىڭ قىزمەتتىك جاعدايىن پايدالانىپ، 2016 -جىلدىڭ 1- شىلدەسىنەن 12- جەلتوقسانىنا دەيىنگى كەزەڭدە پايداكۇنەمدىكپەن بىرنەشە رەت اقشالاي سىياقى تۇرىندەگى سىرتقى ەكونوميكالىق قاتىسۋشىلاردان پارا الۋعا جاردەمدەسۋگە وقتالعان.