قازاقستاننىڭ مەملەكەتتىك قارىزى قاۋىپسىز دەڭگەيدە - مينيستر

استانا. قازاقپارات - ق ر ۇلتتىق ەكونوميكا ءمينيسترى تيمۋر سۇلەيمەنوۆ بۇگىن ۇكىمەت وتىرىسىندا قازاقستاننىڭ مەملەكەتتىك قارىزى قاۋىپسىز دەڭگەيدە تۇرعانىن ءمالىم ەتتى، دەپ حابارلايدى قازاقپارات.

 «1 - مامىرداعى جاعداي بويىنشا، مەملەكەتتىك قارىز دەڭگەيى جوسپارلانعان مەجەدە تۇر. ول ءبىز ءۇشىن قاۋىپسىز دەڭگەيدە ساقتالعان جانە 12,3 تريلليون تەڭگەنى نەمەسە ج ءى ءو- گە شاققاندا 24,6 پايىزدى قۇراپ وتىر»، - دەدى ول ءوز بايانداماسىندا. ت. سۇلەيمەنوۆ اتاپ وتكەنىندەي، 2017 -جىلدىڭ العاشقى ءتورت ايىندا، ينفلياتسيا تومەندەپ، ەكونوميكانىڭ باسىم سالالارى ءوسىم كورسەتكەن. ونىڭ ۇستىنە ينۆەستيتسيالىق بەلسەندىلىك ارتىپ، حالىقارالىق قور دەڭگەيى وسكەن.

«ولاردىڭ جىل باسىنداعى كورسەتكىشى 2,2 پروتسەنتكە ارتىپ، 92,7 ميلليارد تەڭگەنى قۇراپ وتىر»، - دەدى مينيستر.

 الدىن الا مالىمەتتەر بويىنشا، قاڭتار- ءساۋىر ايىندا ج ءى ءو دەڭگەيىنىڭ ءوسىمى 3,7 پروتسەنتكە دەيىن ۇلعايعان. تيمۋر سۇلەيمەنوۆ باياندامادا اتالمىش كورسەتكىشتەر جىل بويىنا ساقتالماۋى مۇمكىن ەكەندىگىن جەتكىزدى. سەبەبى 2016 -جىلدىڭ العاشقى 5 ايىندا ج ءى ءو ءاردايىم قۇلدىراپ كەلدى جانە 0,2 پايىزعا دەيىن جەتكەن بولاتىن. سوندىقتان تومەن بازا ەففەكتىسى ساقتالادى.

 «سول سەبەپتى العاشقى جارتىجىلدىقتا بۇل ەففەكت تولىقتاي تاۋسىلۋى بەك مۇمكىن جانە جىلدىڭ 2,5 پروتسەنتتىك وسىمگە قول جەتكىزۋ ءۇشىن ءوسىمنىڭ جاڭا قورلارىن ىزدەستىرۋىمىز كەرەك بولادى»، - دەپ ءتۇيدى ت. سۇلەيمەنوۆ.

 اۆتور: جاسۇلان جولدىبايەۆ