استانادا ءومىر ءسۇرۋ قىمباتتادى - زەرتتەۋ
مۇنداي زەرتتەۋدى Ranking ساراپتاما قىزمەتى جاساعان.
بيىل قازاقستاندا بىلتىرعى جىلمەن سالىستىرعاندا نەگىزگى تۇتىنۋشى تاۋارلارىنىڭ باعاسى تۇراقتى - سوڭعى ەكى اي بويى 0,5 پايىز.
سالىستىرىپ كورسەك، بىلتىر ساۋىردە بۇل كورسەتكىش 0,6 پايىز بولعان. بيىلعى قاڭتار-ءساۋىر ارالىعى ازىق-تۇلىك، وزگە تاۋارلار مەن اقىلى قىزمەت قۇنى 7,7 پايىزعا وسكەن.
بۇل بىلتىرعى باعامەن سالىستىرعاندا ەكى ەسە تومەن - 15,4 پايىز.
دەگەنمەن 2016-جىلعا دەيىنگى باعالاردان جوعارى - 6,7 پايىز. ءومىر ءسۇرۋ استانادا ايتارلىقتاي قىمباتتاعان. بيىل ەلوردادا نەگىزگى تاۋارلار مەن قىزمەت تۇرلەرىنە جالپى باعا بىلتىرعى كورسەتكىشپەن سالىستىرعاندا 9,2 پايىزعا وسكەن.
سونىڭ ىشىندە ازىق-تۇلىك پەن سۋسىندار 13,2 پايىزعا وسكەن. اقىلى قىزمەت 2,2 پايىزعا قىمباتتاعان.
ال باعالاردىڭ ەڭ باياۋ ءوسىمى باتىس قازاقستان وبلىسىندا بايقالادى - ءبىر جىلدا 6,6 پايىز. ايماقتا ازىق-تۇلىك قۇنى 8,3 پايىزعا وسكەن. دەگەنمەن استانادا ازىق-تۇلىك باعاسى شارىقتاعانىمەن، اقىلى قىزمەت قۇنى وزگە وڭىرلەرمەن سالىستىرعاندا وتە باياۋ وسكەن.
ماسەلەن، و ق و مەن س ق و- دا اقىلى قىزمەت قۇنى ءبىر جىلدا 7,6 پايىزعا وسكەن.
