استانادا تۇركىتانۋشى عالىم ماندوكيدىڭ جيناعى تانىستىرىلدى
TWESCO سايتىنىڭ حابارلاۋىنشا، ق ر ۇلتتىق اكادەميالىق كىتاپحاناسىندا وتكەن شارا ماجار ەلى مەن تۇركى حالىقتارىنىڭ مادەني قارىم- قاتىناسىنىڭ دامۋىنا زور ۇلەس قوسقان ي. ق. ماندوكيدىڭ ومىردەن وتكەنىنە 25 جىل تولۋىنا ورايلاستىرىلدى.
اكادەميا باسشىسى دارحان قىدىرالىنىڭ مودەراتورلىعىمەن دوڭگەلەك ۇستەل فورماتىندا وتكەن باسقوسۋعا ۆەنگريا ەلشىلىگىنىڭ ديپلوماتتارى، اتالعان جيناقتى ازىرلەپ، دايىنداعان ۆەنگريالىق پروفەسسور ادام مولنار، ماجار تۇركولوگى، ماندوكيدىڭ شاكىرتى داۆيد شومفاي قارا مەن تۇركولوگ عالىمدار جانە زيالى قاۋىم وكىلدەرى قاتىستى.
ءوز سوزىندە د. قىدىرالى وقىرمان جۇرتشىلىققا تانىستىرىلعان ەڭبەكتىڭ تۇركى اكادەمياسىنىڭ ارنايى جوباسى اياسىندا ازىرلەنگەنىن، سونىمەن بىرگە ۆەنگريانىڭ عىلىمي ورتاسى مەن TWESCO اراسىندا قالىپتاسقان ىنتىماقتاستىق ناتيجەلەرى جونىندە اڭگىمەلەدى.
سونىمەن قاتار، ءىس- شارا اياسىندا ي. ق. ماندوكيدىڭ ءومىرى مەن قىزمەتىنە ارنالعان «جول سالۋشى قىپشاق» اتتى دەرەكتى فيلم ۇسىنىلدى.
ايتا كەتۋ كەرەك، بۇگىن قازاقستاندىق وقىرمانعا تانىستىرىلعان عىلىمي جيناقتىڭ تۇساۋكەسەرىن اكادەميا العاش 2015 -جىلى ۆەنگريا استاناسى بۋداپەشت قالاسىندا وتكىزگەن بولاتىن. بۇدان بولەك، ايگىلى تۇركىتانۋشى ي. ق. ماندوكيدىڭ 16 مىڭ كىتاپ پەن قۇندى قولجازبالارى بۇگىندە حالىقارالىق تۇركى اكادەمياسىنىڭ كىتاپحاناسىندا ساقتاۋلى.
