ءبۇلدىرشىننىڭ كوزىنە وق اتقان قوستانايلىق رەسەيدەن قازاقستانعا ەكستراديتسيالانادى

استانا. قازاقپارات - رەسەيدىڭ باس پروكۋراتۋراسى 18 جاستاعى گادجيەۆ ارزۋ ساحيبوگلىنى قازاقستانعا ەكستراديتسيالاۋ تۋرالى شەشىم قابىلدادى، دەپ حابارلايدى «چەليابينسكسەگودنيا».

چەليابينسك وبلىستىق پروكۋراتۋراسىنىڭ باسپا ءسوز قىزمەتى حابارلاعانداي، ر ف باس پروكۋرورىنىڭ ورىنباسارى ەكستراديتسيالىق تەكسەرۋدىڭ ناتيجەسى بويىنشا شەشىم قابىلدادى.

گادجيەۆتى قازاقستاندىق قۇقىق قورعاۋ ورگاندارى قىلمىستىق جاۋاپقا تارتاتىن بولادى. ايىپتالۋشى 10 جىلعا دەيىن باس بوستاندىعىنان ايىرىلۋى مۇمكىن.

ەسكە سالايىق، وتكەن جىلدىڭ شىلدە ايىندا قوستانايدا ۆيدەوبلوگەر 13 جاسار قىزدىڭ كوزىنە وق اتقان بولاتىن.

وسى فاكتى بويىنشا قوستانايلىق پوليتسەيلەر قىلمىستىق ءىس قوزعادى. كەيىن ول جىگىت چەليابينسكىدە ۇستالعان ەدى.