دۇركىرەتىپ توي جاساعان شەنەۋنىكتەرى قىزمەتتەرىنەن شەتتەتىلدى

استانا. قازاقپارات - ءبىرقاتار تاجىك شەنەۋنىكتەرى بالالاردى تاربيەلەۋدە، سالت- ءداستۇر، توي وتكىزۋدە اتا- انانىڭ جاۋاپكەرشىلىگى تۋرالى زاڭدى بۇزعانى ءۇشىن قىزمەتتەرىنەن شەتتەتىلگەن.

مۇنداي مالىمدەمەنى تاجىكستان پرەزيدەنتى ەمومالي راحمون 13 - مامىردا دانعارادا حاتلون وبلىسىنىڭ مەملەكەتتىك قىزمەتكەرلەرىمەن كەزدەسۋ كەزىندە جاسادى. « ءبىراز ادامدار جۇمىستان بوساتىلدى. بۇدان بىلاي بۇل سالادا باقىلاۋ وتە قاتاڭ بولادى» ، - دەدى راحمون.

ونىڭ سوزدەرىنشە، حالىقتىڭ يگىلىگى ءۇشىن، تۇراقتىلىقتى ساقتاۋ ءۇشىن اتالعان زاڭ قابىلدانعان. «ءبىراق ءبىرقاتار شەنەۋنىكتەر، مەملەكەتتىك قىزمەتكەرلەر، قۇقىق قورعاۋ ورگاندارىنىڭ وكىلدەرى مەن كاسىپكەرلەر زاڭدى ساقتاماي، دابىرا توي جاساپ، ىسىراپشىلدىققا بارىپ وتىر. ولاردىڭ بالالارى مەن تۋىستارى قوعامدىق ءتارتىپتى بۇزادى» ، - دەدى پرەزيدەنت.

وسىنىڭ الدىندا 27 - ساۋىردە ۇكىمەت وتىرىسى كەزىندە ەمومالي راحمون كوپتەگەن لاۋازىمدى قىزمەتكەرلەر، ۇكىمەت مۇشەلەرى، پارلامەنت وكىلدەرى كول- كوسىر توي وتكىزەدى، ولاردىڭ بالالارى وقۋ ورىندارىنا كولىكپەن بارىپ، جول قوزعالىس ەرەجەلەرىن بۇزادى دەپ مالىمدەگەن بولاتىن.

Baq.kz