پيراميدالار جانە قۇران كارىمنىڭ ول تۋرالى ايتقانى

استانا. قازاقپارات - پەرعاۋىنداردىڭ سالىپ كەتكەن الىپ پيراميدالارى قاتتى ىستىققا كۇيدىرىلگەن بالشىقتاردان جاسالعان.

بۇل دەرەكتى امەريكا مەن فرانتسيا ەلدەرىنىڭ عالىمدارى قۋاتتاۋدا. ال قۇران كارىم بۇل تۋرالى ەگجەي- تەگجەيلى ايتىپ بەرگەن.

اللا تاعالا قۇران كارىمدە پەرعاۋىننىڭ: فَأَوْقِدْ لِي يَا هَامَانُ عَلَى الطِّينِ فَاجْعَل لِّي صَرْحًا لَّعَلِّي أَطَّلِعُ إِلَىٰ إِلَٰهِ مُوسَىٰ وَ إِنِّي لَأَظُنُّهُ مِنَ الْكَاذِبِينَ

«مەن ءۇشىن بالشىققا وت جاعىپ (ياعني، بالشىقتى وتقا قىزدىرىپ) ، ءبىر مۇنارا جاسا. بالكىم، مۇسانىڭ ءتاڭىرىن كورەرمىن. راسىندا، ونى وتىرىكشى دەپ ويلايمىن، (قاساس 38) » - دەگەن ءسوزىن جەتكىزدى. بۇل اقيقاتتى امەريكا مەن فرانسيانىڭ ۇلكەن عالىمدارى دا ناقتىلاۋدا. پيراميدالىقتاستاردىڭ ميكروسكوپيالىق ەلەكتروندى سۋرەتتەرى جاريالاندى.

ءسويتىپ، بۇل بيىك قۇرىلىستىڭ تاستارى دالمە- ءدال قۇران كارىمدە ايتىلعانداي، اسىلى بالشىقتان ەكەندىگى راستالدى. پەرعاۋىن پيراميدانىڭ قالاي جاسالعانىن جاسىرىپ قالعىسى كەلگەن ەدى، الايدا، اللا تاعالا بۇل قۇراننىڭ اقيقات كىتابى ەكەنىن دالەلدەۋ ءۇشىن پەرعاۋىننىڭ جاسىرعانىن پاش ەتتى.

(ماتەريال ابدۋددايم كاحيلدىڭ «ال- ماۋسۋا ال- مۋساۋۋارا فيل- قۇران ال- كاريم ۋاس- سۋننا مۋتاححارا» اتتى كىتابىنان الىندى. ) (اۋدارعان: ايبەك ءابدىقادىر)

 

ummet.kz