قاراعاندىدا كونە دومبىرا تابىلدى

استانا. قازاقپارات - قۇندى جادىگەر شەرتپە كۇي ورتالىعىنىڭ جەتەكشىسى قايروللا ءسادۋاقاسوۆتىڭ قولىندا ساقتاۋلى.

قايروللا اعامىزعا ۇلتتىق اسپاپتى مويىنتى اۋىلىندا تۇراتىن راحمانالي ابەۋوۆ اقساقال تابىستاپتى. ال قارياعا قارا دومبىرا 1932 - جىلى اكەسىنەن مۇرا بولىپ قالعان. سودان بەرى راحمانالي اتا ونى كوزىنىڭ قاراشىعىنداي ساقتاپ كەلگەن. قازاقتىڭ ۇلتتىق كۇي ونەرىن زەرتتەپ جۇرگەن قايروللا ءسادۋاقاسوۆتىڭ ايتۋىنشا، بۇل كونە دومبىرادا اتاقتى قىزداربەك، ءابدي، سەمبەك كۇيشىلەردىڭ ويناۋى ابدەن مۇمكىن. سەبەبى ولاردىڭ بارلىعى وسى شەت وڭىرىندە ءومىر سۇرگەن. دومبىرا دا سول ۋاقىتتاردا جاسالىپتى. قايروللا اعامىز جادىگەردى مۇراجايعا تاپسىرمايتىنىن ايتادى. كونە اسپاپتى قايتادان قالپىنا كەلتىرىپ، الداعى كۇزدە وتەتىن ابىكەن حاسەن ۇلىنىڭ 125 -جىلدىعىنا ارنالعان رەسپۋبليكالىق فەستيۆالدە كۇي ورىنداماقشى.

«كەشەگى سەمبەك، ءابدي، قىزداربەكتەردىڭ قولى تيگەن دومبىرا. 1900 -جىلى جاسالعان. وسى دومبىرانى رەتتەپ، جوندەپ، ساحناعا الىپ شىعامىن با دەپ وتىرمىن. ەلباسىمىزدىڭ «بولاشاققا باعدار: رۋحاني جاڭعىرۋ» اتتى باعدارلاماسى شىقتى. بۇل بىزگە وتە كەرەمەت قولداۋ بولىپ وتىر» ، - «كۇي كەرۋەن» شەرتپە كۇي ورتالاعىنىڭ جەتەكشىسى قايروللا ءسادۋاقاسوۆ.

حابار

Baq.kz