18:22, 15 - مامىر 2017 | GMT +5
وڭتۇستىك كورەيا پرەزيدەنتىنىڭ سىمباتتى وققاعارى جۇرتتى وزىنە عاشىق ەتتى - فوتو
استانا. قازاقپارات - وڭتۇستىك كورەيانىڭ جاڭا پرەزيدەنتى مۋن دجەيننىڭ 36 جاستاعى وققاعارى چحۆە ەندجە سىمباتتىلىعىنىڭ ارقاسىندا ميلليونداعان ارۋدىڭ ارمانىنا اينالىپ ۇلگەردى دەپ حابارلايدى NUR. KZ پورتالى.
كورەيالىقتار وققاعار ازاماتتى ءبىر كورۋ ءۇشىن تەلەديدارداعى جاڭالىقتاردى اڭدۋمەن بولعان. ولاردىڭ پرەزيدەنتتى ەمەس وققاعار جىگىتتى تاماشالاۋعا اسىق بولاتىنى بەكەر ەمەس دەپ جازادى Daily Mail.
سەبەبى جۇرت چحۆەنى كەز كەلگەن اكتەردەن كەم تۇسپەيتىن تارتىمدىلىققا يە دەپ سانايدى. ونىڭ فوتوسى جەلىدە تەز تارالىپ كەتكەن.
كوپشىلىك مۋن دجەين سىمباتتى وققاعاردى ادەيى جالداپ، جاڭا اكىمشىلىك يميدجىن كوتەرۋدە دەپ توپشىلاپ وتىر.
پرەزيدەنت وكىلدەرى سىمباتتى وققاعاردىڭ وتباسىلى ەكەنىن جانە ەكى قىزى بارىن العا تارتتى. الايدا ونىڭ جارى كىم ەكەنى قۇپيا ساقتالىپ وتىر.
ەسكە سالساق، مۋن دجەين توعىزىنشى مامىردا وڭتۇستىك كورەيا پرەزيدەنتى بولىپ سايلانعان.
