ساعىنتايەۆ قوستانايدا «نۇرلى جەر» باعدارلاماسىمەن سالىنىپ جاتقان تۇرعىن ۇيلەردى تەكسەردى - فوتو

استانا. قازاقپارات - ق ر پرەمەر-ءمينيسترى باقىتجان ساعىنتايەۆ قوستاناي وبلىسىنا جۇمىس ساپارى اياسىندا زارەچنوە اۋىلىنداعى «سيەۆەرنىي» شاعىن اۋدانىنا بارىپ، وڭىردەگى «نۇرلى جەر» باعدارلاماسى اياسىندا سالىنىپ جاتقان تۇرعىن ءۇي قۇرىلىسىمەن تانىستى، دەپ حابارلايدى ق ر ۇكىمەتىنىڭ باسپا ءسوز قىزمەتى.

پرەمەر-مينيسترگە جاڭا شاعىن اۋداننىڭ 37 گەكتار اۋماقتى قامتيتىنى، قۇرىلىسقا 271 جەر تەلىمى بولىنگەنى تۋرالى مالىمدەلدى. مۇندا 34 ءۇي تۇرعىزۋ جوسپارلانعان. جەر تەلىمدەرىنىڭ شەكاراسىنا قاجەتتى ينفراقۇرىلىم - گاز، سۋ قۇبىرى، ەلەكتر قۋاتى جۇرگىزىلگەن.

بيىل قوستاناي وبلىسىندا «نۇرلى جەر» باعدارلاماسى بويىنشا 210 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. جالپى وبلىستا باعدارلاما بويىنشا بەس جىلدىڭ ىشىندە 1 ميلليون 150 مىڭ شارشى مەتر تۇرعىن ءۇي سالىناتىن بولادى.

ۇكىمەت «نۇرلى جەر» اياسىندا تۇرعىن ءۇي نارىعىن دامىتۋدىڭ كەشەندىك شارالارىن ازىرلەگەن. سولاردىڭ ىشىندە، يپوتەكالىق نەسيەلەردى مەملەكەتتىك سۋبسيديالار ەسەبىنەن ارزانداتۋ، «دامۋ» ا ق سۋبسيديالارى ەسەبىنەن جەكە قۇرىلىس سالۋشىلاردى ىنتالاندىرۋ بار.

«تۇرعىن ءۇي قۇرىلىس جيناق بانكىنىڭ» سالىمشىلارى مەن ساتىپ الۋ قۇقىعىنسىز ارەندالىق تۇرعىن ءۇيدى تۇرعىزۋ جۇمىستارى جالعاستىرىلۋدا.

جاپپاي تۇرعىن ءۇي قۇرىلىسىن ىنتالاندىرۋ ءۇشىن دايىن ينجەنەرلىك ينفراقۇرىلىمى بار جەر تەلىمدەرى بولىنەتىن بولادى.