قارجى پيراميداسى جۇيەسىمەن جۇمىس ىستەگەن كومپانيانىڭ ۇستىنەن قىلمىستىق ءىس قوزعالدى
كومپانيا وكىلدەرى تۇرعىنداردى جىلدىق 336 پايىز پايدامەن ينۆەستور پورتفەلىنە قارجى سالۋعا ۇگىتتەپ كەلگەن. ولار سونداي- اق، جاڭا ينۆەستور تارتقان ادامعا تولەنەتىن اقى مولشەرى دە جوعارى بولاتىنىن ۋادە ەتىپ، جۇرتتى قىزىقتىرعان.
وسى ارقىلى قىرۋار پايدا تاۋىپ كەلگەن ۇيىمعا سالىم كولەمى000 90-20 ەۋرو ارالىعىندا بولعان. قارجى پيراميداسى جۇيەسىمەن جۇمىس ىستەپ كەلگەن وسى كومپانيانىڭ ارەكەتىنەن ەلدى ساقتاندىرۋ، الاياقتىقتىڭ الدىن الۋ ماقساتىندا وبلىس پروكۋراتۋراسىنىڭ ۇسىنىسىمەن وسى جىلدىڭ 12 - جانە 15 - ناۋرىزىندا قىزىلوردا قالالىق ءى ءى ب جانە قازالى اۋداندىق ىشكى ىستەر بولىمىندە قىلمىستىق ءىس اشىلدى.
سونىمەن قاتار، وسى جىلعى 6 - مامىردان باستاپ مەملەكەتتىك كىرىس دەپارتامەنتى ماماندارى «Questra Holdings Inc.» قىزمەتكەرلەرىنىڭ ۇستىنەن سوتالدى تەرگەۋ جۇمىستارىن باستادى.
قازىر وسى ىستەرگە قاتىستى كەيبىر فاكتىلەر ايقىندالىپ وتىر. مىسالى، كومپانيا ۋادەسىنە سەنگەن 113 سالىمشى بەلگىلى بولدى. قىزىلوردا قالاسى مەن ايتەكە بي كەنتىندەگى «Questra Holdings Inc.» كەڭەسشىلەرى مەن ولاردىڭ كومەكشىلەرى تەرگەلدى. كەيبىرىنىڭ ۇيىنە ءتىنتۋ جاسالىپ، ىسكە تىكەلەي قاتىسى بار نوۋتبۋكتەر مەن گادجەتتەر الىندى.
ىسكە بايلانىستى كومپيۋتەرلىك- تەحنيكالىق ساراپتاما تاعايىندالدى.
وبلىس پروكۋرورى ح. داۋەشوۆ قاجەتتىلىگىنە قاراي كىنالىلەردى ۇستاپ، قاماققا الۋ جونىندە تاپسىرما بەردى.
اۆتور: ەلۋباي اۋەزوۆ
