يسا پايعامباردىڭ ارەكەتىن قايتالاماق بولعان شىركەۋ قىزمەتشىسىن قولتىراۋىندار جەپ قويدى

استانا. قازاقپارات - پاستور سۋعا تۇسكەن كەزدە، قولتىراۋىندار كەنەتتەن شابۋىل جاساعان.

يسا پايعامبارعا ەلىكتەپ، سۋ بەتىمەن ءجۇرىپ وتپەك بولعان شىركەۋ پاستورىن قولتىراۋىندار جەپ قويدى، دەپ جازادى Daily Mail.

ءدىن قىزمەتشىسى دجوناتان متەتۆا يسا پايعامبار جاساعان عاجايىپتاردىڭ ءبىرىن قايتالاپ، قولتىراۋىندار مەكەندەيتىن سۋ بەتىمەن ءجۇرىپ وتپەك بولعان.

كۋاگەرلەردىڭ ايتۋىنشا، پاستور سۋدى كەشىپ 30 مەتردەي جۇرەدى دە، جاعاعا قاراي كەرى قايتادى، سول كەزدە ءۇش قولتىراۋىن ءدىن قىزمەتشىسىنە تاپ بەرگەن. قۇتقارۋشىلار كەلىپ جەتكەنشە، شىركەۋ قىزمەتشىسى قازا تاپقان.

بولعان وقيعانى كوزىمەن كورگەندەردىڭ ايتۋىنشا، ونىڭ اياق كيىمى مەن كيىم-كەشەگى عانا تابىلىپتى.