ۇكىمەت باسشىسى قوستانايدا م ج ءا جوبالارىن ىسكە اسىرۋدىڭ تيىمدىلىگىن تەكسەردى
ق ر پرەمەر-مينيسترىنە سيفرلىق رەنتگەن جۇيەسى، بەينە-ەندوسكوپيالىق جابدىقتار، ۋلترادىبىستىق دياگنوستيكا جۇيەسى قولدانىلاتىن كلينيكانىڭ جابدىقتالۋ جۇمىستارى تانىستىرىلدى.
مەدورتالىق ءمجا تەتىكتەرىن قولدانۋمەن جۇزەگە اسىرىلعان جوبا بولىپ تابىلادى، جانە دەنساۋلىق ساقتاۋدى دامىتۋدىڭ 2016-2019-جىلدارعا ارنالعان «دەنساۋلىق» مەملەكەتتىك باعدارلاماسىنىڭ «جەكەمەنشىك مەديتسينانى دامىتۋ نەگىزىندە العاشقى مەديتسينالىق-سانيتارلىق كومەك جەلىسىن كەڭەيتۋ» باسىمدىقتى باعىتىنا ەنگىزىلگەن.
ساعىنتايەۆقا مەملەكەت تاراپىنان م ج ءا تەتىكتەرىن ىسكە اسىرۋ اياسىندا كوممۋنيكاتسيالاردى رەتتەۋگە كومەك كورسەتىلىپ جاتقاندىعى باياندالدى.
اتاپ ايتقاندا، مەدورتالىققا اپارار جول جوندەلدى، اۆتوبۋس پاۆيلونى ورناتىلدى، تۇرعىندارعا ىڭعايلى بولۋ ءۇشىن قالا اۆتوبۋستارىنىڭ قوزعالىس باعدارلارى قايتا قارالدى. 2016-2017-جىلدارى قوستاناي وبلىسىندا دەنساۋلىق ساقتاۋ سالاسىندا ەكى م ج ءا جوباسى ىسكە اسىرىلدى، وعان قوسا اعىمداعى جىلدىڭ سوڭىنا دەيىن رۋدنىي قالاسىندا جانە زاتوبول اۋىلىندا ەمحانالار سالۋ بويىنشا ەكى جوبانى ىسكە اسىرۋ جوسپارلانعان.
ق ر ۇكىمەتى بيىل مەملەكەتتىك-جەكەمەنشىك ارىپتەستىگىن دامىتۋ ءۇشىن بەكىتۋ مەن جوبالاردىڭ ساراپتاما مەرزىمدەرىن قىسقارتۋ جۇمىستارىن جۇرگىزدى، ءتۇرلى سالالارعا ارنالعان م ج ءا جوبالارى بويىنشا تيپتىك قۇجاتتاما ازىرلەندى، سونداي-اق ينۆەستورلارعا ارنالعان جوبالاردىڭ ءبىرىڭعاي بازاسى ازىرلەنۋدە.
