شوكەيەۆ قىتاي دامۋ بانكىنىڭ وكىلدەرىمەن بىرىككەن جوبالاردى تالقىلادى

بەيجىڭ. قازاقپارات - «سامۇرىق- قازىنا» ا ق باسقارما ءتوراعاسى، قازاقستان- قىتاي ىسكەرلىك كەڭەسىنىڭ (ق ق ى ك) قازاقستاندىق تاراپتان تەڭ ءتوراعاسى ءومىرزاق شوكەيەۆ «ءبىر بەلدەۋ، ءبىر جول» حالىقارالىق ىنتىماقتاستىق فورۋمىنا قاتىسۋ اياسىندا ءبىرقاتار كەزدەسۋلەر وتكىزدى،

دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

«سامۇرىق- قازىنا» قورىنىڭ باسشىسى ق ق ى ك قىتايلىق تاراپتان تەڭ ءتوراعاسى، «CITIC Group» ديرەكتورلار كەڭەسىنىڭ ءتوراعاسى جاڭ جەنمينمەن كەزدەستى.

 ءومىرزاق شوكەيەۆ پەن جاڭ جەنمين جاڭا جوبالار اياسىندا ىنتىماقتاستىقتىڭ مۇمكىندىكتەرى تۋرالى، سونداي- اق تاياۋ ۋاقىتتا استانادا وتكىزىلەتىن ىسكەرلىك كەڭەستىڭ ءتورتىنشى وتىرىسىندا كوتەرىلەتىن ماسەلەلەر تۋرالى تالقىلادى.

ءو. شوكەيەۆ قىتايدىڭ مەملەكەتتىك دامۋ بانكىنىڭ (ق م د ب) ءتوراعاسى حۋ حۋايبانمەن كەزدەسۋ وتكىزىپ، ىنتىماقتاستىقتىڭ قازىرگى جانە بولاشاقتاعى باعىتتارى بويىنشا ءبىرقاتار ماسەلەلەردى تالقىلادى. قازىرگى تاڭدا قوردىڭ ماماندارى ق م د ب- مەن بىرلەسىپ قارجىلاندىرۋ كولەمى 2 ميلليارد دوللاردى قۇرايتىن حيميا سالاسىنداعى ءبىرقاتار ءىرى جوبالاردى جۇزەگە اسىرىپ جاتىر.

 ەسكە سالايىق، 2017 -جىلدىڭ 14 - مامىرى كۇنى «ماسال تاۋ- بايىتۋ كومبيناتى» ج ش س وكىلدەرى قىتايدىڭ   CNTIC كورپوراتسياسىمەن جانە اقمولا وبلىسىنداعى ماسال تەمىر كەندى كەن ورنى بازاسىندا تاۋ- كەن مەتاللۋرگيالىق كەشەننىڭ قۇرىلىسىن قاراستىراتىن قىتايدىڭ ەكسيم- بانكىمەن كەلىسىمگە قول قويدى.