ەلباسى ا ي ي ب- نى تاۋار اعىنىن ارتتىرۋعا قارجىنى بەلسەندىرەك سالۋعا شاقىردى

بەيجىڭ. قازاقپارات - قازاقستان پرەزيدەنتى نۇرسۇلتان نازاربايەۆ «ءبىر بەلدەۋ، ءبىر جول» فورۋمىنىڭ كوشباسشىلار دوڭگەلەك ۇستەلىندە ازيا ينفراقۇرىلىمدىق ينۆەستيتسيا بانكىن (ا ي ي ب) تاۋار اعىنىن وتكىزۋدى جەڭىلدەتۋ بويىنشا جۇمىستاردى بەلسەندى ينۆەستيتسيالاۋعا شاقىردى، دەپ حابارلايدى قازاقپارات.

 «جولدىڭ («ءبىر بەلدەۋ، ءبىر جول» ) ارتىپ كەلە جاتقان ترانزيتتىك الەۋەتىن ءتيىمدى يگەرۋ ءۇشىن قىزمەت كورسەتۋ دەڭگەيىن ارتتىرۋ، اكىمشىلىك كەدەرگىلەردى جويۋ ارقىلى تاۋارلىق اعىنداردى وتكىزۋدى جۇيەلى جەڭىلدەتۋ قاجەت. وسى رەتتە قازاقستان ناقتى شارالاردى قابىلداپ جاتىر»، - دەپ توقتالدى مەملەكەت باسشىسى.

 پرەزيدەنتتىڭ پايىمىنشا، بۇل باعىتتا ءتيىستى ساراپتاما مەن قارجىلاندىرۋ كەرەك.

«ازيا ينفراقۇرىلىمدىق ينۆەستيتسيا بانكى بۇنداي باعدارلامالاردى بەلسەندىرەك قارجىلاندىرۋ ءتيىس دەپ سانايمىن. بۇل ينۆەستيتسيالار بولاشاققا نەگىزدەلگەن»، - دەدى ن. نازاربايەۆ.

قازاقستان پرەزيدەنتى نۇرسۇلتان نازاربايەۆ كوپتەگەن مەملەكەت باسشىلارىنىڭ قاتىسۋىمەن ءوتىپ جاتقان جوعارى دەڭگەيلى «ءبىر بەلدەۋ، ءبىر جول» فورۋمىندا ترانس شەكارالىق وزەندەردىڭ سۋ رەسۋرستارىن ءتيىمدى باسقارۋدىڭ ماڭىزدىلىعى جايلى ايتىپ ءوتتى.

 «قورشاعان ورتانىڭ، ونىڭ ىشىندە كولىك ارتەرياسىنا اينالۋى ابدەن مۇمكىن قۇرلىق ىشىندەگى ترانسشەكارالىق سۋ رەسۋرستارىنىڭ وڭتايلى باسقارۋ جونىندەگى كەشەندى ماسەلەلەردى نازاردان تىس قالدىرماۋ ماڭىزدى»، - دەدى مەملەكەت باسشىسى.

 ەسكە سالا كەتسەك، ن. نازاربايەۆ ق ح ر- داعى «ءبىر بەلدەۋ، ءبىر جول» باعدارلاماسى اياسىنداعى حالىقارالىق سەرىكتەستىك بويىنشا جوعارى دەڭگەيلى فورۋمعا قاتىسىپ جاتىر.

فورۋم تاقىرىبى - «ءبىر بەلدەۋ، ءبىر جول: ورتاق وركەندەۋ جولىنداعى سەرىكتەستىك». شاراعا 29 مەملەكەت باسشىلارى، 3 حالىقارالىق ۇيىم: ب ۇ ۇ، دۇنيەجۇزىلىك بانك جانە حالىقارالىق ۆاليۋتا قورىنىڭ وكىلدەرى قاتىسۋدا.

اۋدارما: رۋسلان عابباسوۆ